Pogradec, tentohet grabitja me armë e dyqanit, plagoset pronari
Lajmifundit
/
20 Shkurt 2015, 20:25
Aktualitet
Një tentativë grabitje ka ndodhur pasditen e sotme në Pogradec. Ngjarja ndodhi në orët e mbrëmjes së sotme, ku dy persona kanë tentuar të grabisin një dyqan në Cerrave të Pogradecit.
Grabitësit kanë goditur pronarin e dyqanit, duke i shkaktuar plagë në kokë dhe menjëherë janë larguar.
Personi i plagosur është transportuar në spital për marrjen e ndihmës mjekësore dhe mësohet se është jashtë rrezikut për jetën.
Policia e mbërritur në vendngjarje ka nisur hetimet për identifikimin dhe kapjen e autorëve.