Kryeministri dhe kryetari i PD, Sali Berisha ka qëndruar mbrëmjen e djeshme për një vizitë në shtëpinë e ish zv. kryeministrit dhe aleatit të tij, Ilir Meta. Takimi në banesën e zotit Meta në zonën e ish-bllokut, ka zgjatur mëse dy orë.
Berisha ka qëndruar në vizitën e parë private të tij, pasi takimet janë zhvilluar gjithmonë në institucione.

Garda ka rrethuar ambientin përpara banesës së kreut të LSI, e cila ndodhet në një zonë mjaft të populluar të kryeqytetit, rreth orës 20.00 të mbrëmjes. Kryeministri Berisha ka dalë më pas rreh orës 22.30 duke u larguar me eskortën e tij.
Ky takim ka ndodhur vetëm pak ditë, para shpalljes së pritshme të vendimit të gjykatës së Lartë në Tiranë, ku prokuroria ka kërkuar dy vjet burg dhe 1 milion lekë gjobë për Ilir Metën me akuzën e korrupsionit.