Sipas INSTAT, deri në fund të vitit 2010 Shqipëria rezulton të ketë 100 mije biznese tregtare dhe 3 mije bujqësore. Gjysma e këtyre ndërmarrjeve te biznesit janë krijuar gjatë periudhës 2005-2009 dhe sipas INSTAT-it, pjesa më e madhe e tyre e kanë qendrën në qarqet e Tiranës dhe Durrësit.
Vetëm 1% e kompanive në vend klasifikohen si biznes i madh, por ato nga ana tjetër mbulojnë afërsisht 30% të të punësuarve. Sipas drejtueses së Institutit të Statistikave në Shqipëri, pjesa më e madhe e bizneseve shqiptare janë të orientuara drejt shërbimeve. Rreth 63 % e ndërmarrjeve në vend kanë vetëm të vetëpunësuar, ndërkohë që më shumë se gjysma e tyre ushtrojnë aktivitet tregtar të orientuar në hoteleri, restorante dhe bar-kafe. 40% e të punësuarve në biznes janë femra, ndërkohë që vetëm 26 % e tyre menaxhohen prej tyre. Të dhënat e regjistrimit të ndërmarrjeve në Shqipëri janë regjistruar përmes CENSUS-it.