Një zjarr i fuqishëm ra sot në një godinë tre katëshe banimi në qytetin e Gjirokastrës. Flakët kanë rënë në orën 18:30 minuta, në një pallat në zonën e Gërhotit, ne periferi të qytetit. Zjarri ka djegur pothuajse të gjitha orenditë e një apartamenti, që ndodhet në katin e dytë, ndërkohë që nuk ka të lënduar në njerëz.
Për rreth 30 minuta, paniku ka përfshirë banorët, ku rreziku ka qenë tepër i madh për përhapjen e flakëve dhe në apartamentet e tjera. 2 zjarrfikse kanë ardhur menjëherë në vendngjarje dhe kanë bërë të mundur neutralizimin e flakëve.
Sipas veprimeve paraprake të hetuesve mendohet se shkak i zjarrit është bërë soba e drurit.