Ligjet që bëjnë fjalë për reformën në drejtësi përfshi edhe krijimit të gjykatës administrative janë bllokuar prej tre vitesh në Parlament. Kështu është shprehur ministri i i Drejtësisë, Eduard Halimi.
Ai foli edhe për rishpërndarjen e gjyqtarëve. Sipas tij gjithsej në Shqipëri janë 375 gjyqtarë, dhe rishpërndarja e tyre do të bëhet sipas sasisë së çështjeve që kanë rrethe të ndryshme.

Ndërsa Stephane Lyenberger, kreu i delegacionit të Komisionit Europian për efikasitetin e drejtësisë tha se Shqipëria ka bërë përmirësime të ndjeshme në drejtësi, por ka ende punë për shtetin e së drejtës.
Deklaratat u bënë gjatë një konference në Ministrinë e Drejtësisë për përmirësimin e efikasitetit dhe funksionimin e drejtësisë në shtetet anëtare, Shqipëria si rast konkret. Të pranishëm kanë qenë edhe një delegacion i Komisionit Europian për efikasitetin në drejtësi.