Raportit të përvitshëm të “Index of Freedom” të Heritage Foundation dhe VVall Street Journal, thekson se Shqipëria renditet në vendin e 57, duke pasur para vetëm Maqedoninë nga vendet e rajonit.
Sipas raportit, Shqipëria renditet e dyta në rajon për lirinë ekonomike duke përmirësuar 13 vende nga një vit më parë. Krahasuar me një vit më parë, vendi ynë është ngjitur me 13 vende, nga vendi i 70 që ishte në 2011, me një rritje prej 1.1 pikësh.
Sektori që ka pasur një rritje më të madhe pikësh është ajo e rritjes së lirisë së Biznesit, ndërsa nuk ka lëvizur indeksi për të drejtat e pronës, lirinë financiare, dhe atë të investimeve. Një rritje prej 1 pikësh ka shënur indeksi i lirisë nga korrupsioni, çka tregon se është ulur niveli i tij.

Shqipëria renditet e 26-ta nga 43 shtetet e Europës për lirinë e ekonomisë. Heritage Foundation shkruan se janë thjeshtuar procedurat për hapjen e një biznesi.
“Kërkesa për punë në ekonominë formale, e cila ka një numër të lartë të vetëpunësuarish është ndikuar shumë nga sektori publik. Inflacioni është rritur pak, për shkak të çmimeve të larta të mallrave, si dhe rritja e kostos së kujdesit shëndetsor”, shkruan raporti.