Kryetari i PS, Edi Rama reagoi sot në lidhje me deklaratat e kryeministrit Sali Berisha për raportin e tij me të rinjtë.
“Fjala e kryeministrit sot para të rinjve ishte një bllof i madh. Tha çorodi e gënjeshtra si përherë, të cilat janë turpëruese për shoqërinë tonë. Ora e ndryshimit troket fort”, ka shkruar Rama në rrjetin social, tvvitter.
Në lidhje me fjalën e shefit të qeverisë për rritjen e numrit të studentëve dhe universiteteve, Rama shprehet: “Universitetet sot janë të mbingarkuara në dëm të cilësisë. Papunësia rinore është për vit e më e lartë. Programi ynë rilind universitetet dhe ul papunësinë”.