Katër persona u arrestuan nga policia e Tiranës të dielën me akuzën e vjedhjes së 18 automjeteve.
Pas një hetimi 3 mujor është mësuar se ky grup kriminal është autor i vjedhjes së 18 automjeteve në Tiranë përgjatë vitit 2011 dhe janarit të vitit 2012. Sipas policisë anëtarët e këtij grupi vidhnin automjete të markave “Golf”, “Smart”, fuoristrada të markave të ndryshme, një sërë kasetofonesh, aksesorë të automjeteve të vjedhura, disa çelsa, pinca dhe doreza që shërbenin për hapjen e automjeteve, etj.
Nga burime të policisë, njoftohet se të arrestuarit janë, Zejnel Xheladin Meçe, vjeç 35, lindur dhe banues në Kukës, i dënuar më parë për veprën penale të vjedhjes së automjeteve, si dhe Gëzim Zek Buqa, vjeç 19, lindur dhe banues në Suharekë të Kosovës.
Dyshohet se këta shtetas, automjetet e vjedhura në Tiranë, mund t`i kenë kaluar për në Kosove nëpërmjet rrugëve dytesore.