Një kompani që kryen punime nëpër miniera ka deklaruar se ka gjetur një diamant ngjyrë rozë 12.76 karat, një nga diamantet më të mëdhenj të kësaj ngjyre të gjetur në vend.
Diamanti i rrallë është gjetur në minierën e Rio Tintos, në Australinë Perëndimore, në rajonin Kimberly. Sipas vlerësimeve të para, diamanti, u cili është quajtur si Jubileu pink, vlen miliona dollarë.
Diamanti në fjalë do të ekspozohet një herë në të gjithë botën, duke përfshirë këtu edhe New York dhe Hong Kong dhe më pas do të shitet. Më shumë se 90% e diamanteve roze nëpër botë janë gjetur në këtë minierë australiane.