Një mësuese e dhunshme është ndaluar nga policia italiane. Karabinierët kanë arrestuar një mësuese të shkollës fillore ‘San Sebastiano’ të Pizzos në Kalabri, pasi kjo e fundit i ndëshkonte nxënësit duke i qëlluar me shuplaka e grushta, e me raste edhe me libra.
Gruaja, emri i së cilës nuk bëhet i ditur akuzohet për keqtrajtim të nxënësve. Keqtrajtimet vërtetohen nga xhirimet me kamera, të cilat janë vendosur fshehurazi nëpër klasa.
Siç shkruajnë mediat italiane, mësuesja madje u shkulte flokët derisa i bënte të qanin. “Shumë nxënës ishin aq shumë të terrorizuar sa nuk donin të shkonin më në shkollë”,-shkruan Tgcom.