Paulo Henrique Ganso ka hedhur poshtë thashethemet rreth një xhelozie të tij ndaj bashkëlojtarit të Santos Neymar i cili ka ngjallur kureshtje dhe vlerësime nga skuadra gjigande si Barcelona, Çelsi dhe Real Madrid. Mesfushori 22 vjeçar i cili ka një kontratë me klubin deri në 2015-tën nënvizon miqësinë e fortë me shokun e tij të skuadrës. “Ky thashetheme më ka mërzitur sepse asnjëherë nuk ka ndodhur diçka e tillë. Nuk më bën aspak mirë kur njerëzit thonë se ka një xhelozi mes nesh. Mendoj se ne e kemi aktualisht një marrëdhënie mes nesh si vëllezër dhe miq, nuk i kemi ndërhyrë asnjëherë njëri-tjetrit në punët tona e në asgjë”, tha ai.