Çmimi i naftës ka shënuar rritjen më të madhe në nëntë muajt e fundit, pasi Irani e ka ndaluar shitjen e hidrokarburit për Britaninë dhe Francën, si kundërpërgjigje ndaj sanksioneve mbi programin bërthamor të republikës islamike.
Çmimet u rritën të hënën në tregun aziatik, duke arritur në 105 dollarë për një fuçi.

Franca dhe Britania përdorin pak ose aspak naftë iraniane, por disa shtete të BE-së janë të varura nga importi i naftës nga Irani dhe vlerësohet se BE merr rreth 20 për qind të eksportit të naftës së Iranit.