Lajmi i Fundit - Lajme shqiptare

Ekstradohet nga Londra i shumëkërkuari, vrau për gjakmarrje në 1996

admin — Fri, 18 May 2012 11:48:19 +0000

Ekstradohet nga Londra në Shqipëri për vuajtjen e dënimit, një 41-vjeçar i shpallur në kërkim për vrasje.
Policia njoftoi se shtetasi Riza Vatoci, vjeç 41, lindur në Tropojë ishte shpallur në kërkim ndërkombëtar pasi Gjykata e Rrethit Gjyqësor Krujë, e ka dënuar me 15 vjet burg, për kryerjen e veprës penale të “Vrasjes me paramendim, e mbetur në tentativë”.
Ngjarja për të cilën i ekstraduari Riza Vatoci është deklaruar fajtor, ka ndodhur më 05 nëntor 1996, në vendin e quajtur “Ura e madhe” të qytetit të Krujës, ku ky shtetas ka qëlluar me armë zjarri shtetasin Përparim Gjonaj për motive gjakmarrje.
Si rezultat i bashkëpunimit të Interpol Tirana me Interpol Londrën, u bë i mundur arrestimi në Mbretërinë e Bashkuar i shtetasit Riza Vatoci, me qëllim ekstradimi drejt vendit tonë.
Në aeroportin “Nënë Tereza” në Rinas 41-vjeçari i është dorëzuar përfaqësuesve të Drejtorisë së Përgjithshme të Burgjeve.

Kukës, Spahiu: Abetarja e unifikuar, demagogji e Berishës dhe Thaçit

admin — Fri, 18 May 2012 11:43:34 +0000

Drejtuesi i Aleancës Kuq e Zi, Kreshnik Spahiu ka akuzuar se prezantimi i Abetares së unifikuar mes Shqipërisë dhe Kosovës ka qenë një farse të kryeministrave Berisha dhe Thaçi.
Gjatë një aktiviteti të AKZ në Kukës, Spahiu tha se ata janë kundër bashkimit të shqiptarëve dhe e kanë kthyer në biznes abetaren e përbashkët.

Këto deklarata janë bërë gjatë një takimi të organizuar në Kukës ku Kreshnik Spahiu ka shpalosur programin politik të Aleancës Kuqezi e ku akuzoi qeverinë shqiptare për keqqeverisje.

Ronaldo: Krahasimi mes meje e Messit, si mes një Ferrari e një Porche

admin — Fri, 18 May 2012 11:38:48 +0000

Ylli portugez i Real Madridit, Kristiano Ronaldo e pranon se rivaliteti me yllin e Barcelonës, Lionel Mesi ka ndikuar që ai të përmirësohet shumë, sidomos që pas ardhjes në “klubin mbretëror” në vitin 2009.
“Për mendimin tim ne i kemi shërbyer si stimul njëri-tjetrit. Kjo është arsyeja që konkurrenca është në nivelin më të lartë, kurse Reali e Barça janë skuadrat më të mira në botë”, ka theksuar Ronaldo. Portugezi dhe argjentinasi në këtë edicion kanë shkruar një faqe të re në historinë e futbollit spanjoll.
Ronaldo ka shënuar 46 gola në 38 ndeshje në Primera Division, kurse Lionel Mesi ka arritur në kuotën e 50 golave në 37 ndeshje. Ronaldo megjithatë nuk ka dëshirë të krahasohet me rivalin e tij kryesor.
“Historia e krahasimit ka filluar të më lodhë. Unë i qëndroj mendimit se nuk mund të krahasohet një Ferrari me një Porche, pasi kanë motorë të ndryshëm. Ai bën më të mirën për Barcelonën, kurse unë për Realin. Nuk është çështja se cili është më i mirë. Thjesht nuk kam dëshirë të krahasohem me dikë tjetër. Disa njerëz thonë se jam unë më i mirë, disa të tjerë se është ai, por në fund do të vendosin se cili është lojtari më i mirë për momentin dhe këtu mendoj se jam unë”, ka shtuar Ronaldo.

Kosovë, 261 zyrtarë nuk e kanë deklaruar pasurinë

admin — Fri, 18 May 2012 11:35:01 +0000

AKK ka filluar dërgimin në gjykatë të gjithë zyrtarëve që nuk e kanë deklaruar pasurinë këtë vit. Kreu i Agjencisë Hasan Preteni i ka thënë Radio Kosovës se tashmë kanë bërë gati 50 përqind të materialeve, të cilat do t’u dërgohen organeve gjyqësore.
Agjencia Kundër Korrupsionit ka filluar dërgimin në gjykatë të të gjithë zyrtarëve që nuk e kanë deklaruar pasurinë këtë vit. Kreu i Agjencisë Hasan Preteni i ka thënë Radio Kosovës se tashmë kanë bërë gati 50 përqind të materialeve, të cilat do t’u dërgohen organeve gjyqësore. Këtë vit janë 261 zyrtarë që nuk e kanë deklaruar pasurinë.
Akoma pa përmbyllur as gjysmën e rasteve të vjetra të personave që nuk kanë deklaruar pasurinë, në Gjykatën Komunale për Kundërvajtje dërgohen lëndë të reja.
Pasi kanë kaluar afatet ligjore për dorëzimin e formularëve të pasurisë, organi antikorrupsion ka nisur në gjykatë paditë për gjithë ata që nuk i janë përgjigjur obligimit për deklarim pasurie.

Kreu i Agjencisë Hasan Preteni, ka thënë se askush nuk do të përjashtohet nga ballafaqimi me drejtësinë.

“Ne jemi në procedurë të dërgimit të të gjitha rasteve. Tashmë shumica e lëndëve janë bërë gati”, ka thënë Preteni për Radio Kosovën.

Kreu i Gjykatës Komunale për Kundërvajtje, Mustafë Selimi, nuk ka folur për vendimet e kësaj gjykate, e cila shpesh për personat në të njëjtat pozita ka dhënë vendime në shpërputhje të mëdha. Por, ai ka folur për efektin e tyre.

“Deri më tani nuk kemi shifra të plota të të gjitha rasteve . Sa për vendimet gjyqtarët kanë qenë të pavarur në dënimet e tyre. Por, mendoj se kanë pasur efekt sepse zyrtarët që janë dënuar nuk i kanë përsëritur më veprimet”, ka thënë Selimi.

Reale apo të buta, dënimet me të holla që ka dhënë gjykata nuk janë ankimuar asnjëherë nga Agjencia Kundër Korrupsionit. Kjo është konfirmuar nga kryetarja e Gjykatës së Lartë për Kundërvajtje ,Biliana Rexhiq.

Aktualisht, sipas numrit të rasteve që nuk kanë deklaruar pasurinë në Gjykatë janë mbi 300 lëndë të pakryera. Ndërkohë, 75 janë kryer deri më tani.

Deri më tani mosdeklarimi i pasurisë, me ligj, konsiderohej si kundërvajtje për të cilat ekzistonte dënimi prej 1000 deri në 2500 euro. Tani, me ndryshimet në Kodin Penal mos deklarimi i pasurisë është vepër penale për të cilin zyrtari mund të dënohet prej 1 deri në 3 burgim.

Vlorë, aksidentohet makina e maturantëve në Radhimë, dhjetë të plagosur, 4 rëndë

admin — Fri, 18 May 2012 11:28:41 +0000

Një grup maturantësh janë përfshirë në një aksident rrugor në Radhimë ndërsa mësohet se dhjete persona janë plagosur. Sipas informacioneve paraprake, në aksident është përfshirë një furoistradë, e cila ka bllokuar trafikun në zonë.
Policia ka thënë se kater prej te plagosurve, jane maturantë. Ata jane ne gjendje te rende dhe per pasoje i janë nënshtruar një operacioni në spitalin e Vlorës, ndërsa ambulanca të tjera janë nisur drejt vendngjarjes për transportimin e personave të tjerë. Gjashte persona te tjere te lenduar mesohet se kane plage te lehta pa rrezik per jeten.
Lëvizja e ndihmës së shpejtë ka qenë e vështirë për shkak të trafikut të krijuar, ndërsa në vendngjarje mbërritën dhe forcat policore për zbulimin e shkaqeve të aksidentit.

Maturantet mesohet se po udhetonin ne aksin Orikum-Vlore, pasi kishin kaluar nje eskursion me rastin e perfundimit te vitit shkollor.

Makina godet motorrin, një i plagosur në Tiranë

admin — Fri, 18 May 2012 11:26:11 +0000

Një aksident me pasojë një të plagosur ndodhi në orët e mesditës në Tiranë. Ngjarja ndodhi në zonën e Porcelanit ku mësohet se një automjet ka goditur një motorr. Policia e qarkullimit rrugor tha se drejtuesi i automjetit është plagosur dhe është dërguar menjëherë në spital. Ende nuk bëhet i ditur emri i personit të plagosur por mësohet se aktualisht po i nënshtrohet kujdesit mjekësor.

Tiranë, bllokohen 100 mijë euro mallra të skaduara, arrestohen tre tregtarët

admin — Fri, 18 May 2012 11:23:02 +0000

produktet e skaduara

Një sasi mallrash ushqimore me vlerë 100 mijë euro janë sekuestruar nga policia e kryqytetit apsi tregtoheshin në gjendje të skuaduar. Lajmi është bërë i ditur nga burime zyrtare që thanë se Sektori Kundër Krimit Ekonomik Financiar realizoi operacionin e koduar “Skadenca” duke arrestuar në flagrancë shtetasit Ilirjan Shemsi Pira, 21 vjec, banues në Tiranë, Nefail Qamil Jaho, 41 vjec, banues në Laknas, Agim Xhemail Abddullai, 28 vjec, lindur dhe banues ne Tirane.

Këto shtetas dyshohet se në bashkëpunim me njëri tjetrin, pasi blinin mallra të skaduara në subjekte të ndryshme private, mallra të cilat i magazinonin në një banese private në Bathore Kamëz, realizonin më pas me anë të një pajisje ndryshimin e datës së skadencës, duke e shtyrë atë në kohë.

Gjatë ecurisë së këtij hetimi, u konkludua se këto mallra kryesisht si lëngje frutash, çokollata, patatine, biskola etj mallra konsumi, pasi i ndryshohej data e skadencës, tregëtoheshin përsëri në pika të ndryshme shitjeje në Tiranë.

Këto shtetas, aktivitetin e tyre e ushtronin në mënyrë të palicensuar dhe të pa rregjistruar në organet tatimore, duke ju shmangur kështu edhe detyrimeve tatimore.

Këto prodhime industriale, të cilat tregëtoheshin në Tiranë, duke qënë të palicensuara ishin edhe të pakontrolluara, duke vendosur në rrezik shëndetin dhe jetën e konsumatorëve.

Gjate kontrollit të banesës dhe të dy automjeteve të tyre, u gjeten dhe u sekuestruan ne cilesinë e proves materiale nje sasi e konsiderueshme mallrash ushqimore te llojeve të ndryshme si : pije freskuese te llojeve te ndryshme , patatina te llojeve te ndryshme, cokollata te llojeve te ndryshme, biskota etj mallra te skaduara por te cilava u ishte ndryshuar afati i skadimit.

Gjithashtu u sekuestrua ne cilesine e proves material edhe pajisja e quajtur “Dator” me ane te se ciles behej ndryshimi i dates se skadences se mallrave si dhe dy automjeteve me targa AA092BS, dhe AA06679 BA, qe sherbente per transportimin dhe tregtimin e mallrave te skaduara .

Pas sekuestrimit të këtyre mallrave, u konkludua se vlera e mallrave arrijnë vlerën rreth 100.000 euro. Aktualisht, nga këto struktura, po punohet intesivisht për sekuetrimin e të gjithë mallrave, të cilat janë shpërndarë dhe tregëtuar nga ky subjekt, në dyqane të ndryshme në Tiranë.

Po ashtu, strukturat e janë të vendosur për të vazhduar më tej këtë operacioni, deri në eleminimin plotësisht të kësaj veprimtarie të kundraligjshme, e cila rrezikon në shëndetin dhe jetën e konsumatorëve, vendosjen përpara përgjegjësisë ligjore, të personave që ushtrojnë këtë veprimtari. Materialet i kaluan Prokurorisë së Rrethit Gjyqësor Tiranë, për hetime të mëtejshme ndaj tyre.

Keta shtetas dyshohen se kane konsumuar elementet e veprave penale te “Prodhim i Kundraligjshem i artikujve dhe mallrave industrial dhe ushqimor”, “Fallsifikim i vulvae stampave ose formulareve” parashikuar nga nenet 288/a paragrafi II 190 dhe 25 të Kodit Penal.

Motra e Balotellit, fotot me drita të kuqe

admin — Fri, 18 May 2012 11:13:26 +0000

Tabloidi “Daily Star” ka publikuar sëfundi disa foto me drita të kuqe ku shfaqet motra e futbollistit të Manchester City Mario Balotelli. Media angleze e ka vendosur Agigail Baruah në qendër të këtij skandali me ish të dashurën e Balotellit Sara Tomazi. Që të dyja shfaqen duke kryer veprime intime në një pishinë ndërsa mësohet se që të dyja ndodhen në një hotel në Itali.

Basha: Për 10 muaj mbaroi plani urbanistik i Tiranës, mbajtëm premtimin

admin — Fri, 18 May 2012 10:55:16 +0000

TIRANE—Kryebashkiaku i Tiranës Lulzim Basha ka prezantuar sot draftin e planit urbanistik të kryeqytetit duke deklaruar se kjo është një ndër nismat më të rëndësishme të tijat në krye të këtij institucioni. Basha tha se takimi për planin urbanistik të Tiranës është përmbyllja për një premtim të përfunduar.

“Premtuam se do e mbaronim prej një kohë rekord prej 10 muajsh. Shumë kanë qenë skeptik dhe mosbesues me pretendimin se Tirana e kishte një plan. Shumica na mbështetën, ja ku jemi 10 muaj më pas me një premtim të mbajtur. Ajo që ka më rëndësi është fakti se plani ka rëndësi për zhvillimin ekonomik”, theksoi Basha.

Në vlerësimin e tij, prej kohësh Tirana ka dhënë shenja lodhjesh si rezultat i një politike konfrontimi me bizneset. “Ne jemi të vendosur të kalojmë këtë ngërç. Zhvillimi ekonomik, mirëqenia dhe krijimi i vendeve të punës është prioriteti ynë numër një”, tha ai.

/lajmifundit.com/M.D./

Tryeza e USAID për pushtetin vendor, Arvizu: Bashkëpunoni! Berisha: Zbatoni ligjin

admin — Fri, 18 May 2012 10:39:12 +0000

TIRANE—USAID prezantoi sot projektin më të fundit për qeverisjen lokale në një tryezë ku merrte pjesë ambasadori i Shteteve të Bashkuara të Amerikës në Tiranë Aleksander Arvizu, kryeministri Sali Berisha dhe krerë të pushtetit vendor.

Ambasadori i SHBA-së në Tiranë, tha se “Shqipëria ka hyrë në rrugëtimin e saj të tretë drejt një qeverisje të decentralizuar dhe demokratike. Teksa nisim këtë projekt u bëj thirrje për bashkëpunim. Të ecurit përpara kërkon që qeveritë të përmbushin detyrimet, kërkon dialog të hapur mes qeverisjes vendore dhe asaj qendrore, besim, kërkon që transferimi i burimeve të jetë i drejtë dhe transparent. Kërkon që rritja urbane të jetë më e mirëmenaxhuar”.

Kryeminsitri Sali Berisha e vuri theksin tek decentralizimi fiskal, i cili sipas tij për motive politike nuk ka ecur ashtu si duhet, pasi marrëveshja që u arrit me shoqatat nuk u votua në parlament ndërsa theksoi se me këtë projekt do të ridimensionohet decentralizimi fiskal dhe qeveria do të ndajë të ardhurat fiskale mbi bazë ligjesh transparente.

“Njëra anë është se nuk ka ecur për motive politike decentralizmi fiskal, marrëveshja e arritur me shoqatat nuk u miratua në parlament. Kjo është e shkuara. Në këtë projekt do të ridimensionohet decentralizimi fiskal si kusht për decentralizimin në përgjithësi. Qeveria është e gatshme të ndajë me ju të ardhurat fiskale mbi bazë ligjesh transparente. Nuk duhet të kemi pengesa në dixhitalizimin fiskal, por ju e dini se cila është përqindja e taksës së pasurisë që është kryesore për ju”,- deklaroi Berisha.

Berisha u bëri thirrje vendorëve për të ushtruar kompetencat e tyre për të drejtën e administrimit të territorit dhe mjeteve për të ushtruar këtë të drejtë.

“Do ndajmë një seri taksash me ju në bazën e këtij projekti. Ju bëjmë thirrje ju të ushtroni kompetencat tuaja. Gjykata kushtetuese e më vonë parlamenti ju dha të drejtën e administrimit të territorit dhe mjetet për ta ushtruar atë të drejtë. Në këtë projekt fat i madh që parashikohet planifikimi. Duhet të gjejmë të gjithë forcën e ligjit për të vendosur ligjin në hapësirën territoriale aty ku jetojmë”, u shpreh kryeministri.

/lajmifundit.com/M.D./