Trajneri italian i Paris Sen Germainit, Karlo Ançeloti, e di se skuadra e tij do ta ketë tepër të vështirë kualifikimin tutje, por ndihet i qetë:
“Ne e dimë shumë mirë se ndaj Barcelonës do të jetë e vështirë. Sidoqoftë, ky është një test i mirë për ne. Kemi luajtur mirë kundër katalanasve në një miqësore para edicionit, por atmosfera tash do të jetë ndryshe. Barça ka shumë përvojë dhe cilësi. Por edhe ne do të shfrytëzojmë cilësitë tona. Të luajturit e ndeshjes së parë në shtëpi nuk është një hendikep. Ne do të duhet të jemi të përqendruar gjatë gjithë 90 minutave. Duhet të japim gjithë energjinë dhe përvojën, duke i luajtur të tëra shanset e mundshme për kualifikim”.

Drejtori sportiv i Barcelonës, Andoni Zubizareta ka hedhur poshtë zërat se në edicionin e ardhshëm klubin katalanas do ta drejtojë ndonjë trajner i ri.
Ai ka thënë se skuadra do t’i besohet edhe për edicionin tjetër Tito Vilanovës. Ky i fundit aktualisht është duke u shëruar në SHBA nga kanceri, kurse skuadrën po e udhëheq asistenti i tij, Zhordi Rura.
“Vilanova do të jetë trajneri ynë edhe në edicionin e ardhshëm. Më duhet të them se rikthimi i tij është fitorja më e madhe për ne. Ai po e merr veten dhe duket shumë mirë. Nuk ka humbur shumë në peshë dhe ka një disponim të mirë. Edhe pse një lloj i tillë i kurimit të rraskapit, Tito është në formë të mirë”, ka deklaruar Zubizareta.
“Nuk dëshiroj të flas për datën e rikthimit të tij në bankinë. Ky lloj trajtimi mjekësor lyp kujdes të veçantë dhe duhet shikuar gjërat ditë pas dite. Ne do të tregohemi të kujdesshëm dhe nuk do të flasim për datën e rikthimit të Titos”, ka thënë Zubizareta.

Fitorja me Milanin dhe kualifikimi në çerekfinalen e Champions League e rikthen Barcelonën favorite për fitoren finale në Uembli. Bukmejkërsat e kuotojnë skuadrën katalanase me koefiçentin më të vogël, duke zbritur në vendin e dytë Realin e Madridit.
Kompanitë kryesore të basteve e shumëzojnë me 2.75 shumën që vendoset për Barcelonën kampione, ndërsa Reali i Madridit ofron bastin 3.75.
Bajerni i Mynihut fitues i Ligës së Kampioneve të kthen 4.5 nëse vendos bast 1 Euro, ndërsa Borussia e Dortmundit kuotohet me koefiçentin 10. Më pas renditen Juventusi 13, Paris Sën Zhermen 21, Gallatasaraj dhe Malaga me koefiçentin 51.ssport

I dhamë përgjigje kritikave. Kështu ka thënë Jordi Roura, zëvendëstrajneri i Barcelonës, i cili pas fitores 4-0 ndaj Milanit tha se katalanasit iu përgjigjën më së miri kritikave.
“Messi dhe lojtarët e tjerë janë kritikuar shumë, por sot reaguan duke mbyllur gojët e liga. Messi luan një futboll të veçantë dhe jemi të lumtur që do të vazhdojmë aventurën në Champions League”, theksoi Roura.
Dani Alves, mbrojtësi i cili kishte deklaruar se Messin e kishte parë të rënë moralisht në ndeshjet e fundit, deklaroi pas ndeshjes: “Messi i tregoi të gjithëve se katër Topa të Artë nuk fitohen rastësisht”.

Ish-mbrojtësi  i Real Madridit, braziliani, Roberto Karlos mendon se e ardhmja e Nejmarit është në “Camp Nou”, derisa parashikon se ylli i Santosit do të përshtatet mjaft mirë në klubin katalanas.

Nejmar një ditë më parë u shpreh se nuk ka ndonjë preferencë mes Barcelonës dhe Real Madridit, por bashkëkombasi i tij është i bindur se ai është i destinuar të përfundojë te klubi katalanas.
“Kam folur me të. Për mendimin tim do të duhej të ishte larguar me kohë nga Brazili. Besoj se Barcelona ka 90% gjasa që të marrë Nejmarin”, ka theksuar Roberto Karlos për “Al Jazeera”.

Ish-mbrojtësi i Real Madridit, Roberto Karlos, mendon se Barcelona ende është skuadra më e mirë në botë, pavarësisht eliminimit nga Kupa e Mbretit dhe humbjes nga Milani në ndeshjen e parë të 1/8 së finales në Ligën e Kampionëve.
“Barcelona është ende skuadra më e mirë në botë. Pavarësisht mungesës së trajnerit të tyre në drejtim, ata mbeten një skuadër shumë e fortë. Askush nuk mund t’i zbresë katalanasit nga froni vetëm pas tri humbjesh. Unë besoj se mund të rikthehen kundër Milanit. Problemi me Barcelonën është se kanë qenë duke luajtur së bashku për një kohë të gjatë dhe po vuajnë nga lodhja mendore. Megjithatë, ata mbeten tepër të fortë, ndërsa shpresoj se do të këndellen sa më shpejt”, ka theksuar Roberto Karlos.

Presidenti i Barcelonës Sandro Rosell kritikoi qëndrimet disfatiste në skuadër përballë humbjeve. “Dua që tu rikthehet qetësia. Bota nuk ka marrë fund, edhe nëse humbasim përballë Milanit nuk ka marrë fund. Ne po punojmë fort për të rikthyer fokusimin tonë. Mendoj se reagimet ndaj humbjeve janë ekzagjeruar. Nëse ne po humbasim, po humbasim përballë skuadrave si Milani apo Reali i Madridit”, u shpreh ai.

Xavi Hernandez hodhi firmën në një kontratë të re me Barcelonës, e cila do të mbajë atë në “Camp Nou” deri në verën e vitit 2016.

Firma mbi kontratë u hodh në zyrat e klubit, me 33-vjeçarin që firmosi në prani të presidentit Sandro Rosell.

Kontrata aktuale e Xavit, një futbollist i formuar në ekipin e moshave të katalanasve, skadonte në vitin 2014.

“Është një ditë e veçantë për mua, pasi siguroj qëndrimin tim në një vend ku gjithmonë kam dashur të jem. Nuk kam asnjë qëllim tjetër përveçse të luaj deri në fund të karrierës sime me Barcelonën. E di që klubi ka bërë një sakrificë dhe e falenderoj për gjithçka. Do të përpiqem ta shpërblej duke ruajtur rendimentin e viteve të fundit”, deklaroi Xavi.

Mesfushori, i cili me 659 ndeshje të luajtura me fanelën e Barcelonës është lojtari me më shumë ndeshje në historinë e klubit, ka fituar gjashtë tituj kampionë të Spanjës dhe tre Champions në “Camp Nou”, si dhe një Botëror e dy Europianë me kombëtaren spanjolle.

Trajneri i Barcelonës, Tito Vilanova, ka thumbuar rivalin e tij kryesor, Zhoze Murinjo. “Nuk do ta përjashtojmë Realin si rival deri në momentin kur do të kemi fituar matematikisht titullin, por e kam të qartë që nëse do të ishim ne 18 pikë pas tyre, unë nuk do të isha më trajneri i Barcelonës. Megjithatë, askush nuk mund të më siguroj që ne nuk do të humbim 18 pikë apo më shumë në fazën e dytë dhe Reali të fitojë çdo ndeshje, prandaj titulli nuk është ende i fituar”, ka theksuar Vilanova për “AS”.
I pyetur nëse synon kurorën e trefishtë në këtë edicion, trajneri katalonas mohoi të jetë i fiksuar me realizimin e kësaj arritje.
“Nuk e mendoj kurorën e trefishtë dhe këtë ua them sinqerisht. E para që dua të arrij është të fitojmë titullin. Liga e Kampionëve ka ende shumë rivalë të fortë deri në fund dhe më pëlqen t’i shohim gjërat hap pas hapi”, ka shtuar Vilanova.
Ai komentoi edhe paralajmërimin e paraardhësit të tij, Pep Guardiola për rikthim në futboll. “Mendoj se rikthimi i Guardiolës është një lajm i shkëlqyer për futbollin, aq më tepër pasi Guardiola do të rikthehet i freskët dhe me ide të reja. Unë jam i sigurt që kudo që të shkojë do të bëjë një punë të mirë”, ka nënvizuar Vilanova.

Pep Guardiola thotë se edhe pas largimit nga drejtimi i Barcelonës, ndeshjet e kësaj skuadre is hesh si trajner. Nga Nju Jorku ku po kalon vitin e tij të pushimeve Pep Guardiola i përjeton me emocionin maksimal ndeshjet e blaugranave.
Gjatë një interviste për një televizion amerikan Guardiola deklaroi se ende i shikon ndeshjet e Barcelonës sikur të jetë ende trajneri i katalanasve. Në lidhje me parashikimet për kampionatin e sapo nisur me galop nga ish futbollistët e tij Guardiola u tregua i kujdesëshëm duke u shprehur se duhen pritur të paktën dhjetë ndeshjet e para për të nxjerrë konkluzione në këtë drejtim pasi si Barcelona dhe Real Madrid kanë dy skuadra të shkëlqyera.
Duke iu referuar fituesve të mundshëm të kompeticionit Pep deklaroi se për të rimarrë titullin për Barcelonën do të jetë vendimtare në sezonin e ri fitorja e ndeshjeve kyc kundër Realit të Madridit.