Një vajzë ka humbur jetën në mënyrë tragjike rreth orës 17 në fshatin Izbicë të Skenderajt. Bëhet e ditur se vajza derisa po kthehej nga shkolla ka rrëshqitur dhe ka rënë në lum duke humbur jetën.
Raportohet se lumi i këtij fshati ka dal nga shtrati për shkak të reshjeve të pandërprera të shiut gjatë ditë së sotme, që besohet se ka qenë shkaktar i mbytjes së 10-vjeçares.
Ngjarjen tragjike për Kosovapress e ka konfirmuar edhe zëdhënësi i policisë për Rajonin e Mitrovicës Besim Hoti. Ai ka bërë të ditur se policia ka dal në vendngjarje dhe është duke e hetuar rastin.
Reshjet e shiut që nuk kanë pushuar gjatë gjithë natës së mbrëmshme dhe të enjten gjatë ditës kanë përmbytur sipërfaqe të tokës në disa pjesë të qytetit të Skenderajt, por edhe në fshatrat Llaushë, Klinë, Tushilë dhe Açarevë. Shtëpitë në një pjesë të lagjeve “Qamëria”, pastaj “Fidanishte” dhe “Saraj” në Skenderaj janë bllokuar nga uji si pasojë e daljes nga shtrati të lumit Klina.
Disa nga banorë e këtyre lagjeve brenda qytetit, kanë thënë se nuk mbajnë në mend që tokat dhe oborret e tyre të jenë përmbytur ndonjëherë, sikurse ka ndodhur të enjten. Ata frikohen se nëse vazhdon shiu, uji do të depërtojë brenda shtëpive të tyre.
Reshjet e shiut që nuk kanë pushuar po thuajse gjatë 24 orëve të fundit kanë përmbytur sipërfaqe të tokës në disa pjesë edhe të qytetit të Mitrovicës, ndërsa gjendje më e rëndë paraqitet të jetë në lagjen ‘Bair’, ku lumi Lushta ka dalë nga shtrati dhe ka bllokuar qarkullimin e banorëve në këtë pjesë.
Mësohet se situatë e ngjashme mbretëron edhe në fshatin Rekë, si pasojë e daljes nga shtrati të lumit Trepça, me ç’rast oborret e disa shtëpive janë mbuluar me ujë.
Drejtori i Drejtorisë për Mbrojtje dhe Shpëtim në Mitrovicë, Behxhet Bala, ka konfirmuar gjendjen e rëndë në disa zona të qytetit, por edhe në fshatin Rekë. Sipas tij, përkundër vështirësive situata po mbahet nën kontroll.

Pas Prishtinës Catherine Ashton mbërriti në Beograd ku kreu takime me autoritetet më të larta drejtuese të vendit. Në përfundim të vizitës lëshoi një deklaratë në të cilën pohon se ka vizituar Beogradin në kuadër të konsultimeve të mëtejshme me liderët serbë për lehtësimin e dialogut mes Kosovës dhe Serbisë. “Kam patur një takim produktiv dhe konstruktiv me Presidentin Nikoliç, Kryeministrin Daçiç dhe zv.kryeministrin Vuçiç. Këto konsultime janë për të përgatitur takimin tjetër të dialogut që do të mbahet mes Daçiç dhe Thaçit më 20 mars në Bruksel”, thuhet në deklaratë.

Përfaqësues të serbëve të pjesës veriore të Kosovës i kanë dërguar letër kreytarit të Gjykatës Kushtetuese të Serbisë me anë të së cilës kërkohet të vlerësohet kushtetueshmëria lidhur me vendimet e Qeverisë së Serbisë të arritura në bazë të dialogut Prishtinë-Beograd, ka bërë të ditur për mediat serbe Stevan Bozhoviq kryetarii komunës paralele serbe të Zubin Potokut.
Bozhoviq tha se kërkojnë deklarimin e Gjykatë Kushtetuese të Serbisë për çështjet, që sipas tij, janë vendmitare për serbët e Kosovës.
“Ne mendojmë se shtetit i Serbisë dhe serbët e Kosovës nuk do të duhet që të lejojnë që marrëveshjet e arritura në këtë dialog të fillojnë zbatimin pasi që ato legalizojnë policinë kufitare dhe doganën e një shteti të pa pranuar ndërkombëtarisht”, thuhet në këtë letër.
Këta përfaqësues të serbëve, kanë kërkuar nga kushtetuesja serbe që sa më shpejtë të vendosë për kushtetutshmërinë e marrëveshjeve të arritura në mes të Beogradit dhe Prishtinës në Bruksel, si dhe t’ju mundësohet pjesëmarrja në një debat publik.

Ministri i Punëve të Jashtme i Republikës së Kosovës, Enver Hoxhaj, ka zhvilluar vizitën e parë zyrtare të një lideri institucional të Kosovës në Singapor, me ftesë të ministrit të Punëve të Jashtme të Singaporit, Kasivisëanathan Shanmugam.
Pasi ka njoftuar ministrin Shanmugam për progresin që është arritur në Kosovë gjatë pesë vjetëve të pavarësisë, ministri Hoxhaj ia ka dorëzuar atij kërkesën për njohjen e Kosovës shtet sovran dhe të pavarur.

Ministri Hoxhaj ka theksuar se Kosova është e interesuar që të ketë Singaporin partner të rëndësishëm strategjik dhe se shtetet e vogla duhet të qëndrojnë pranë njëra-tjetrës në zhvillimet e mëtutjeshme.

”Shtetet e vogla si Singapori dhe Kosova duhet të mbështesin njëra-tjetrën. Pas vendimit të Gjykatës Ndërkombëtare të Drejtësisë, e cila ka konfirmuar legalitetin e shpalljes së pavarësisë së Kosovës, asnjë shtet nuk ka arsye që të zvarrisë njohjen e Kosovës”, ka thënë ministri Hoxhaj, duke kërkuar nga homologu i tij, që sa më shpejt Singapori t’i bashkohet shteteve që tashmë kanë njohur pavarësinë e Kosovës.

Nga ana tjetër, ministri i Punëve të Jashtme dhe i Drejtësisë, Kasivisëanathan Shanmugam ka thënë se shteti i tij ka simpati për Republikën e Kosovës duke ka siguruar ministrin Hoxhaj se Singapori ka një qëndrim shumë pozitiv për shtetin e pavarur të Kosovës.

Ai ka theksuar se Singapori është i gatshëm që të shkëmbej përvojat në fusha të ndryshme me Republikën e Kosovës, sidomos në diplomaci, arsim, urbanizëm etj.

Ministri Hoxhaj dhe ministri Shanmugam janë pajtuar që shumë shpejt të fillojnë shkëmbimet ndërmjet Republikës së Kosovës dhe Singaporit në këto fusha.

Hoxhaj me këtë rast ka thënë se Singapori shërben si model për shtetet e vogla.

Ministri i Punëve të Jashtme i Kosovës, Enver Hoxhaj, edhe vitin e kaluar në margjinat e Asamblesë së Përgjithshme të Kombeve të Bashkuara kishte zhvilluar një takim me ministrin e Punëve të Jashtme të Singaporit, Kasivisëanathan Shanmugam.

Ministri Hoxhaj gjatë dy viteve të kaluara ka vizituar disa herë rajonin e Azisë dhe Oqeanisë ku ka lobuar për njohjen e Kosovës nga shtetet e kësaj pjese të botës.

Zëvendëskryeministrja e Republikës së Kosovës, Edita Tahiri, e cila po qëndron në një vizitë zyrtare në Doha, është pritur në Qeverinë e Katarit nga zëvendëskryeministri dhe ministri i Shtetit për Këshillin e Punëve të Ministrave, Shkëlqesia e Tij, Ahmed Bin Abdullah Bin Zaid Al-Mahmoud.

Në këtë takim është biseduar për marrëdhëniet bilaterale mes dy vendeve si dhe janë diskutuar mundësitë për forcimin e bashkëpunimit në fusha të ndryshme të interesit të përbashkët.

Zëvendëskryeministrja Edita Tahiri fillimisht ka shprehur falënderimet për Qeverinë e Katarit për njohjen e shtetit të Kosovës dhe mbështetjen e vazhdueshme në aspektet diplomatike. Ajo falënderoi personalisht zëvendëskryeministrin Al-Mahmoud për angazhimin e tij në kohën kur ishte ministër i Jashtëm, e kur edhe zyrtarisht Katari njohu Kosovën.

Në vazhdim biseda u fokusua në mundësitë e thellimit të bashkëpunimit mes dy vendeve me theks të veçantë në bashkëpunimin diplomatik dhe ekonomik, si dhe u konfirmua gatishmëria dypalëshe për një bashkëpunim sa më të ngushtë në të ardhmen. Të dy zëvendëskryeministrat u pajtuan që të intensifikohen vizitat dhe të identifikohen projektet e ekonomike për investimet në Kosovë.

Në planin diplomatik, zëvendëskryeministrja Tahiri kërkoi  mbështetjen e Katarit për rritjen e njohjeve për Kosovën.

Zëvendëskryeministri Al-Mahmoud siguroi se Qeveria e Katarit si edhe deri më tani do të vazhdojë ta mbështesë shtetin e Kosovës në planin diplomatik, duke thënë se Kosova dhe populli i saj meritojnë një përkrahje të tillë.

Gjatë qëndrimit në Doha, zëvendëskryeministrja Edita Tahiri mori pjesë në Konferencën ndërkombëtare për fuqizimin e grave, të organizuar nga Qeveria amerikane dhe organizata Women Democracy Network. Në këtë Konferencë me temën “ Rezoluta 1325 dhe gratë në paqe, siguri dhe vendimmarrje”, zonja Tahiri foli për përvojat e grave në luftën për lirinë dhe pavarësinë e Kosovës duke vlerësuar lartë rolin e grave në historinë e krijimit të shtetit të Kosovës.

Ministri i Punëve të Jashtme të Republikës së Kosovës, Enver Hoxhaj dhe Ministri i Shtetit për Punë të Jashtme i Pakistanit, Malik Amad Khan, kanë nënshkruar sot në Prishtinë marrëveshjen zyrtare për vendosjen e marrëdhënieve diplomatike ndërmjet dy shteteve.

Ministri Hoxhaj dhe ministri Khan e kanë vlerësuar lartë këtë hap, duke shprehur vullnetin e dy vendeve për intensifikimin e gjithanshëm të marrëdhënieve.

Hoxhaj ka falënderuar ministrin Khan për vendimin që shteti dhe Qeveria pakistaneze mori në dhjetorin e vitit të kaluar që ta njeh Kosovën si shtet sovran dhe të pavarur.

“Padyshim që ka qenë ndër lajme11t më të rëndësishme për Republikën e Kosovës, por padyshim që ka qenë edhe ndër lajme11t më të rëndësishme edhe për politikën ndërkombëtare meqë Pakistani është një shtet dhe një fuqi rajonale, një shtet me një peshë të madhe politike, diplomatike, ushtarake dhe ekonomike, dhe me një kulturë të lartë”, ka thënë ministri Hoxhaj.

Ai po ashtu vlerësoi kontributin dhe përkrahjen e Pakistanit për Kosovën në anëtarësimin e saj në Bankën Botërore dhe në Fondin Monetar Ndërkombëtar .

“Pakistani jo vetëm që ka marr vendim që ta njeh Republikën e Kosovës, por unë së fundi kam qenë në një konferencë të ministrave të punëve të jashtme në Xhibuti dhe qëndrimi zyrtar i Pakistanit ka qenë një qëndrim shumë i fuqishëm në mbështetje të Republikës së Kosovës”, tha Hoxhaj.

Ai po ashtu bëri të ditur se gjatë takimit me ministrin Khan është diskutuar për shumë tema të rëndësishme duke theksuar se kjo vizitë është kaptinë e re e relacioneve bilaterale ndërmjet Republikës së Kosovës dhe Republikës Islamike të Pakistanit.

“Biseduam se si të kemi bashkëpunim të ngushtë ekonomik, tregtar, arsimor, dhe në një të ardhme të afërt mendojmë që qoftë në Islamabad apo në Prishtinë të organizojmë një forum të bashkëpunimit ekonomik, i cili do të sjellë përfaqësues të qeverive tona, por mbi të gjitha do të sjell edhe përfaqësues të biznesit të cilët mund të investojnë në Kosovë apo edhe anasjelltas”, tha Hoxhaj.

Ministri i Jashtëm i Kosovës tha po ashtu se me homologun pakistanez është diskutuar edhe për intensifikimin e bashkëpunimit ndërmjet dy parlamenteve por theksoi vendosmërinë e Kosovës për fuqizimin mbi të gjitha të bashkëpunimit ndërmjet qytetarëve, shoqërive dhe popujve të të dyja shteteve.

“Sot nënshkruam edhe hapin e parë, gurëthemelin e parë, vendosjen e marrëdhënieve diplomatike dhe ky akt dhe kjo vizitë është padyshim ndër hapat më të rëndësishëm të bashkëpunimit ndërmjet vendeve tona”, tha ministri Hoxhaj.

Ndërkaq, ministri i Shtetit për Punë të Jashtme i Pakistanit, Malik Amad Khan, shprehu kënaqësinë e tij për vizitën dhe vendosjen e marrëdhënieve diplomatike ndërmjet dy shteteve.

Ministri Khan theksoi vullnetin e institucioneve të Pakistanit për thellimin e bashkëpunimit në shumë fusha me Republikën e Kosovës, duke vlerësuar lartë rëndësinë që kanë për Pakistanin marrëdhëniet me Kosovën.

Khan tha se gjatë takimit me ministrin Hoxhaj është diskutuar për hapat e mëtutjeshëm të marrëdhënieve ndërmjet dy shteteve, duke u shprehur i nderuar që është zyrtari i parë pakistanez që qëndron në Kosovë, pas njohjes.

Ai ka theksuar rëndësinë e bashkëpunimit në diplomaci, duke veçuar me këtë rast diplomacinë parlamentare si shumë efektive.

“Marrëdhëniet ndërmjet dy vendeve janë shumë të rëndësishme. Pakistani është një vend që mund ta ndihmoj shumë Kosovën, por edhe lidhjet e mira që ka Kosova me shumë vende, do të ishin të dobishme për Pakistanin”, tha ministri Khan.

Në pyetjen e gazetarëve rreth lobimit që Pakistani mund të bëjë për rritjen e numrit të njohjeve të Kosovës nga vendet islamike, ministri i Shtetit për Punë të Jashtme i Pakistanit, Malik Amad Khan, tha se Pakistani do të bëjë më të mirën e mundshme në këtë drejtim.

Gjatë vizitës në Kosovë, ministri i Shtetit për Punë të Jashtme i Pakistanit, Malik Amad Khan, shoqërohet edhe nga Muhammad Haroon Shaukat, ambasador jorezident i Pakistanit në Republikën e Kosovës.
(RTK)

Kosova dhe Pakistani vendosin marrëdhënie diplomatike

Presidenti i Serbisë, Tomisllav Nikollic, ka deklaruar të shtunën se Kosova është “pjesë përbërëse e Serbisë” dhe “e tillë do të mbetet”.

“Dikush mund ta trajtojë ndryshe këtë çështje, por derisa ne nuk e japim Kosovën, atë nuk mund të na e marrë askush”, ka thënë Nikollic, transmetojnë mediat serbe.

Duke komentuar kushtet që duhet të përmbushë Serbia në rrugën drejt Bashkimit Evropian, të cilat së fundmi i kanë paraqitur disa zyrtarë gjermanë, Nikollic ka thënë se shtetet e tjera, kuvendet dhe qeveritë mund të shprehin qëndrimin e tyre, por “Kosova mbetet pjesë e Serbisë”.

Ditë më parë, zyrtarë të partisë së kancelares gjermane, Angela Merkel, kanë thënë se Beogradi duhet të nënshkruajë një kontratë me Prishtinën, për të siguruar marrëdhëniet e mira fqinjësore.rfe

Drejtoria e Policisë së qarkut Gjirokastër, e mbështetur nga FNSH dhe Delta Force, kanë ndaluar 12 persona gjatë patrullimeve të fundit në Lazarat.
Mësohet se policia patrulluar me qëllim bllokimin e automjeteve që transporton ujë, pleh organik apo baltë për në këtë fshat me qëllim kultivimin e kanabisit, si dhe për bllokimin e fuqisë punëtore që tenton të hyjë në Lazarat për këtë qëllim.
Policia ka thënë se në vendin e quajtur Pularia, në hyrje të fshatit Lazarat, forcat e rendit kanë nxjerrë jashtë funksionit katër depozita të mëdha, që shërbenin për grumbullimin e ujit nga puset dhe më pas për të mbushur botet me ujë, si dhe ka nxjerrë jashtë përdorimit katër bote pa asnjë dokumentacion, ku gjatë operacionit drejtuesit e automjeteve braktisën botet dhe u larguan me shpejtësi në brendësi të fshatit.
Specialistët për Parandalimin dhe Hetimin e Krimit në Komisariatin e Policisë Gjirokastër kanë thënë se drejtuesit e boteve i përdornin këto automjete pa asnjë dokumentacion dhe asnjë kusht teknik, vetëm për transport uji, duke ua shitur me lekë disa banorëve me qëllim kultivimin e kanabisit.

Ish-banorja e Big Brother Albania 5, e cila u bë e famshme për fotot e saj nudo dhe erotike ka bërë publike një fotografi me një mashkull.
Djali i ri në moshë qëndron në afrimitet me Gentën e cila pak javë më parë ka deklaruar se ka gjetur një të dashur dhe me lekë madje.
Kohët e fundit ishte folur për një rikthim të vajzës nga Korça tek ish i dashuri i saj Rubensi të cilin ajo e akuzoi për publikimin e fotove intime.

Ventilatorët elektrikë gjejnë përdorim të gjerë veçanërisht në kohë vere. Këto pajisje, portative ose të fiksuara në tavan,shihen si të efektshme nga të moshuar që mundohen nga vapa, apo njerëz që nuk e durojnë atë, djersiten, por nuk kanë kushte ose s’janë në gjendje të përballojnë koston e ajrit të kondicionuar.
Një studim i ri tregon se ventilatorët jo vetëm që nuk ndihmojnë shumë gjatë valës së të nxehtit – ato ndoshta bëjnë efektin e kundërt duke shkaktuar pasoja shëndetësore.

Studimi tregon se ventilatori mund të ndihmojë nëse temperatura është nën 95 gradë Fahrenheit = 35 gradë Celsius, dhe vetëm nëse ajri i ventiluar nuk i bie personit drejtpërdrejt. Nëse temperatura është mbi 35 gradë Celsius, të gjitha gjasat janë se ventilatori mund të rrisë nxehtësinë dhe djersitjen, gjë që mund të çojë në dehidratim e probleme të shumta shëndetësore që vijnë me të.
Por shqyrtimi mbi efektshmërinë e ventilatorëve gjithashtu thotë se nuk ekzistojnë mjaft studime të besueshme për të treguar përfitimet dhe dëmet nga ventilatorët elektrikë.
Pra, në kohë vape, këshilla më e sigurt është; në vend të përdorimit të një ventilatori, pini më shumë ujë dhe synoni për mjedise të freskëta, thuhet në studimin e kryer nga qendra kërkimore Cochrane. Astrit Lulushi, ZA