Reshjet e borës janë rikthyer në territorin e qarkut të Kukësit reshjet e dendura të dëborës. Pas stuhisë së orëve të mëngjesit me erë të fortë dhe shi në formë rebeshi, tashmë kanë filluar edhe reshjet e borës duke sjellë një sërë problemesh sidomos në zonat e thella malore.
Nga banorët e zonave të thella bëhet e ditur se trashësia e borës së rënë ka arritur deri në 30 centimetra, ndërkohë që në zonat fushore ajo nuk i ka kaluar 5 centimetra.
Reshjet e borës vijojnë të bien me një intensitet të lartë ku problemet janë kthyer në komunikacion, sidomos në rrugët rurale.
Në aksin Kukës-Kalimash trashësia e borës është 15 centimetra dhe policia ka nxjerrë post-blloqe të shumta për të penguar lëvizjen e automjeteve me shpejtësi të madhe.
Deri tani nuk raportohet për ndonjë aksident automobilistik me pasoja të rënda por vetëm me dëme materiale pasi drejtuesit e  automjeteve janë gjetur të papërgatitur në këtë situatë të krijuar si pasojë e reshjeve të borës, në një kohë të pazakontë.

Një mjek i repartit të urgjencës është rrahur në spitalin rajonal të qytetit të Kukësit. Policia thotë se doktori është goditur dhe fyer në orët e vona të natës së mbrëmshme nga një pacient.
Ngjarja ka ndodhur kur mjeku 64-vjeçar, Mark Nufi ka qenë duke kryer detyrën në repartin e urgjencës ndërsa pacienti Ylli Murtati e ka goditur gjatë marrjes së shërbimit shëndetësor.
Sipas burimeve zyrtare të policisë së Kukësit bëhet e ditur se është arrestuar 32-vjeçari Murtati, ndërsa kjo nuk është hera e parë që mjekët e spitalit të Kukësit goditen nga pacientët teksa kryejnë detyrën e tyre.

Një 42 vjeçar ka rënë në pranga nga policia e Kukësit pasi është kapur me një arsenal armësh.
Shtetasi Bashkim Gjoka, 42 vjeç nga fshati Resk, i komunës Ujmisht të Kukësit, është arrestuar nga forcat e Komisariatit të Policisë, pasi gjatë kontrollit të ushtruar në banesën e tij janë gjetur: një armë zjarri e llojit automatik model 56, pistoletë TT, model 54 e kalibrit 7.62 mm, 3 granata difensive me sigurisë të vendosur, katër copë ndezësa si dhe 4 karikator automatiku.
Policia tha se pas ndalimit, materialet i kaluan Prokurorisë së Rrethit Gjyqësorë Kukës për veprën penale “Prodhim dhe mbajtje pa leje të armëve dhe municioneve luftarake”.

Pistë e re hetimi nga policia për 40- vjeçare Fellenza Rexhmati, nënë e tre fëmijëve e zhdukur tri ditë më parë në Kukës.
Referuar dëshmisë familjarëve policia mësoi se në shtëpinë e tyre është gjetur shuma e lekëve prej më shumë se 3 milionë të cilët në ditën e ngjarjes u raportuan të humbur apo të grabitur.

Ky zhvillim i ri, sipas policisë, hedh poshte pistën e grabitjes me dhunë. Një nga pistat e mundshme ku tashmë po përqëndrohen kërkimet është ajo e humbjes së lekëve nga ana e gruas e cila mund të kishte harruar vendin ku i kishte vendosur, ndërsa në parim nga frika e burrit të mund të jetë larguar nga shtëpia.

Kjo hamendje përforcohet edhe nga dëshmitë e disa banorëve të pallatit të 40- vjeçares sipas të cilëve ajo rreth mesditës është parë e shqetësuar duke kërkuar në koshat e mbeturinave ku ndoshta ka rrëmuar për të parë se mos ka hedhur pa dashje tufën e lekëve.

Lidhur me provat e gjetura në banesë që janë njollat e gjakut dhe thika priten analizat laboratorike për të mësuar se kujt i përkasin njollat e gjakut si dhe gjurmët e gishtave në dy gotat me raki që janë gjetur në shtëpi gjë që tregon se aty ka qenë të paktën një person i dytë bashkë me gruan që u zhduk pa gjurmë të enjten në mesditë.
Gruaja e humbur vuante nga depresion dhe për këtë edhe merrte ilaçe.

Mbetet mister zhdukja e 40-vjeçares Fellenza Rexhmati ne qytetin e Kukësit. Ne një njoftim zyrtar, policia sqaron se gruaja është larguar vete nga shtëpia.
Ndërkohë, ne qytetin verior kane mbërritur edhe eksperte te krimeve te renda qe po hetojnë për rrethanat e ngjarjes.
gjatë gjithë ditës dhe natës së kaluar, në Kukës dhe në fshatin e origjinës së familjes Rexhmati, policia ka kërkuar për 40-vjeçaren nënë të tre fëmijëve.
Sa i përket gjurmëve te gjakut dhe thikës se gjetur ne banese, inspektoret e policisë se Kukesit dyshojnë se behet fjale për inskenim.
Ne shtëpinë e 38-vjeçares, nene e tre fëmijëve, pas kontrollit, rezultoi se mungonin edhe 300 mije leke të reja.
Denoncimi në policinë e Kukësit për zhdukjen e gruas u bë nga djali i saj 13-vjeçar i cili kërkoi ndihmë pasi u kthye në banesë dhe nuk e gjeti aty nënën e tij.

Një grua është denoncuar e zhdukur në Kukës. Policia tha se Fllanxa Rexhmati, 35 vjece, eshte zhdukur. Ka qenë femija  i saj ai që ka dhënë alarmin duke bërë denoncim në polici.
Fëmija, pasi u kthye nga shkolla nuk gjeti njeri në shtëpi, por hyri brenda nga dritarja pasi dera ishte mbyllur.
Ai tha në polici së ka gjetur në shtëpi një thikë dhe në banjë një bluzë të gjakosur.

Ndërkaq mësohet se në shtëpi mungojnë 3 milionë lekë të vjetra.

Në disa shkolla të qytetit të Kukësit rifilloi sot mësimi i ndërprerë ditë më parë për shkak të motit të keq dhe bllokimit nga bora.
Në veri të vendit mësohet se ka pasur reshje shiu gjatë natës dhe paraditen e sotme ndërsa temperaturat kanë rënë ndjeshëm.
Nga të dhënat e fundit të ditës së sotme, njoftohet se komunat Iballë, Blerim, Fierzë në Pukë vijojnë të mbeten të izoluara.
Gjatë natës janë hapur rrugët drejt komunave Qafë Mali, Qelëz, Qerret ndërsa janë blokuar akset Tiranë-Peshkopi e Peshkopi-Librazhd.

Në Kukës mbeten të bllokuara 4 komunat, Shishtavec, Grykëcaj, Arren e Kalis. Në këtë rreth mësohet se pritet të nisë sot mësimi në shkolla, po kështu dhe në Fushë Arrëz e qytetin e Pukës.

Në Tropojë të izoluara rezultojnë Lekbibaj e Bytyci, ndërsa në Korcë janë bllokuar të gjitha fshatrat në komunën Lekas, 7 fshatra në Komunën Dardhë, 6 në komunën Clirim, 4 fshatra në komunën Novoselë dhe 2 në komunën Proger.

Përmirësimi i kushteve të motit në gjithë qarkun e Kukësit, ka bërë që të ulet ndjeshëm numri i komunave dhe fshatrave të izoluara. Kështu,sot në rrethin e Kukësit rezultojnë të jenë të bllokuara nga dëbora vetëm komunat Kalis, Arrën, Grykë Çajë dhe Shishtavec.
Në rrethin e Tropojës janë të izoluara vetëm komunat Lekbibaj dhe Bujan, Margegaj, ndërkohë që shumë fshatra të komunave të tjera të thella janë të bllokuara por, po punohet për hapjen e tyre.

Ehe akset rrugore  paraqiten më lehtësisht të qarkullueshme pasi ngritja e temperaturave dhe mungesa e reshjeve kanë bërë që ato të qarkullohen nga automjetet ndonëse në pjesë të vecanta,të një pjese të tyre,duhet të përdoren zinxhirët. Sa i takon rrugës së kombit ajo është e kalueshme pa zinxhirë ndërkohë që po vijohet të hidhet kripë për të evituar ngricat që krijohen gjatë orëve të natës.

Gatë 24 orëve të fundit,në të gjithë Qarkun e Kukësit janë regjistruar 4 raste emergjente shëndetësore në zonat e thella ku helikopterët kanë kryer fluturime për të tërhequr kryesisht gra shtatzëna dhe i kanë sjellë në spitalin e qytetit.

Kryetarja e Kuvendit, Jozefina Topalli ishte në Kukës, ku në një takim me Shtabin e Emergjencës së këtij qarku diskutoi lidhur me masat urgjente që vijojnë të merren për përballimin e situatës së krijuar në zonat e bllokuara nga dëbora.

“Është një menaxhim i admirueshëm. Shteti është këtu në çdo moment, në çdo çast, 24 orë në 24 ashtu siç punojnë edhe fadromat 24 orë në 24, edhe borëpastrueset, edhe mjekët, edhe infermierët dhe ju në krye të kësaj pune” u shpreh Kryetarja e Kuvendit.

Në mënyrë të veçantë, Kryetarja e Kuvendit vlerësoi punën pa ndërprerje, për hapjen e rrugëve nacionale, çka bën që të mos humbet komunikimi si dhe lehtëson edhe dërgimin më të shpejtë të ndihmave ushqimore, medikamenteve dhe shërbime të tjera për banorët.

“Shumica e rrugëve që lidhin rrugët nacionale me komunat janë të hapura. Është shpërndarë një numër i madh ndihmash për banorët që janë më në vështirësi dhe më në nevojë. Imagjinoni sikur të mos kishim bërë lidhjet e rrugëve, Has Tropojë, por jo vetëm këto por edhe rrugë të tjera. Kjo ka qenë një pjesë e rëndësishme që na ka bërë ne të mos humbim komunikimin, të vazhdojmë të lëvizim me automjete, me të gjitha drejtimet”.

Kryetarja e Kuvendit shprehu mirënjohjen dhe vlerësoi angazhimin e autoriteteve vendore, banorët si dhe të gjitha autoritetet e tjera që  po vijojnë me të gjitha mjetet të mundësojnë përballimin e kësaj situate.

“Është gjë e rrallë që në kushte të tilla të mos ketë ndërprerje të energjisë elektrike ndërkohë që po të ndiqni kryeqytetet e botës në Romë, në Hungari dhe në vende të tjera ka ndërprerje të energjisë elektrike për dhjetra e mijëra banorë të këtyre vendeve. Ka krijim të kaoseve të paparashikuara ndërsa këu rrugët nacionale janë të hapura”, tha Topalli.

Rinisja e reshjeve të borës po mban të bllokuar verilindjen dhe juglindjen e Shqipërisë. Përkeqësimi i situatës ka ardhur edhe si pasojë e temperaturave të ulëta, çka ka vështirësuar jetesën e banorëve të këtyre zonave, të cilët prej javësh jetojnë me dëborën.

Në qarqet e Kukësit, Dibrës, Korçës mjaft rrugë rurale vijojnë të jenë të bllokuara, ndërsa kalohen me zinxhirë akset kombëtare, si Morinë- Kalimash, Korçë- Kapshticë etj.
Kukësi, Hasi dhe Kruma diten e djeshme kanë qenë pa furnizim me energji elektrike ndërsa e njëjta gjë po ndodh në disa komuna të Tropojës.

Vetëm nga dëbora e re në zonat malore të Korçës trashësia është rritur me 30 centimetra. Në Dardhë shtëpitë pothuajse janë mbuluar tërësisht, pasi dëbora arrin deri në 4 metra.
Vazhdon të rritet edhe numri i fshatrave të bllokuara, ndërsa borëpastrueset vazhdojnë përpjekjet për zhbllokimin e tyre.