Nga shërbimet e Drejtorise se Policise Kufitare dhe Migracionit Durres, u be kapja e shtetases ne kerkim A.L.,  20 vjeçe,  banuese ne Cerrik Elbasan.

Kjo shtetase eshte paraqitur ne Pikën e Kalimit Kufitar  Durres pasi kthehej nga Italia dhe gjatë verifikimit ka rezultuar e kërkuar pasi me datë 23.01.2013  eshte larguar nga banesa. Shtetasja në fjalë iu dorëzua shërbimeve të Drejtorisë Policisë Qarkut Elbasan për veprime proceduriale të mëtejshme.

TIRANE—Ambasadori i OSBE-së në Tiranë Eugen Wollfarth ka hedhur poshtë idenë e hedhur ditën e djeshme nga kryeministri për uljen e moshës së votimit nga 18 në 16 vjeç. I pyetur nga mediat, Wollfarth deklaroi se tanimë është vonë që për këto zgjedhje të zbatohet një masë e tillë.

Pyetje: Është bërë një propozim dje nga Kryeministri Sali Berisha për të përfshirë në zgjedhje edhe 16-vjeçarët, pra të ulet mosha e votimit deri në 16 vjeç. A mund të jetë funksional ky opsion për zgjedhjet e qershorit, duke qenë se jemi shumë pranë tyre dhe a mund të jetë një opsion që Shqipëria mund ta përfshijë më vonë në Kodin e saj Zgjedhor?

Ambasadori Wollfarth: “Ndoshta mund të jetë një opsion për të ardhmen, në 2017-n. Sepse asgjë nuk është e gdhendur në gur. Mund të diskutohet dhe kjo është një çështje që duhet të diskutohet gjerësisht në publik dhe në parlament. Dyshoj se nuk ka kohë për ta bërë këtë deri në qershor, pasi na ndajnë tre muaj nga zgjedhjet dhe, me sa di, lista e votuesve, që tani quhet ekstrakt, është gati.

Gjithashtu, do të doja të shtoja se është shumë e rëndësishme të kemi një situatë të qëndrueshme përpara zgjedhjeve e të mos ndryshohen gjërat. Për shembull, kur ngrihen çështje se a duhet ndryshuar apo jo emri i një komuniteti pikërisht përpara zgjedhjeve; përse duhet të ndryshohet një gjë kaq e rëndësishme vetëm disa javë përpara Ditës së Zgjedhjeve?”

Pyetje: Z. Ambasador, a ju ka ardhur ky propozim si një sugjerim zyrtar i kryeministrit Berisha për t’u konsultuar me OSBE-në?

Ambasadori Wollfarth: “Për këtë duhet të pyesni kryeministrin. Nuk jam në dijeni që, me përjashtim të ndonjë diskutimi publik, të ketë një propozim zyrtar.”

Sfida e Kim Kardashian duket shumë e vështirë për të ruajtur pamjen e jashtme. I është dashur të sakrifikojë e të durojë dhimbjet e tillë si këto që i shikoni në fotografi. Kim ju nënshtrua një procedure të dhimbshme dhe gjakosëse, gjithçka për të mbajtur sa më në formë pamjen e saj.  Procedura për të ndalur plakjen përfshinte marrjen e gjakut nga krahu dhe injektimin e tij me anë të shiringave nën lëkurën e fytyrës. /Photocopyright/TheSun/

Katër automjete të mbushura me efektivë të forcave RENEA kanë ndërhyrë me forcë për të shpërndarë grupin e protestuesve që rrethuan komisariatin e Kavajës ku ndodhet i shoqëruar kryebashkiaku Elvis Roshi. Protestuesit qëlluan me gurë policinë dhe në përleshje e sipër disa prej tyre përfunduan të shoqëruar ndërsa turma u shpërnda me forcë para pak minutash. Ndërkaq, një rup pranë Avokatit të Popullit është nisur drejt Kavajës pak minuta më parë ndërsa situata mësohet të jetë duke u kthyer drejt normalitetit. Elvis Roshi u shoqërua pasi dyshohet se gjatë ndeshjes së sotme në stadium ka goditur trajnerin e Tiranës Nevil Dede.

Presidenti i Republikes, Sh.T.Z. Bujar Nishani do te dekoroje liderin e Levizjes Studentore te Dhjetorit ’90 Azem Hajdari (pas vdekjes). Ceremonia e dekorimit do te zhvillohet ne mjediset e Institucionit te Presidentit te Republikes.

Një stuhi rëre e re përfshiu veriun e Kinës e në një pjesë të madhe të vendit fenomeni u shoqërua me një rënie të mprehtë të temperaturave.
Alarmi blu për stuhi rëre dhe  një valë të ftohti është lëshuar nga stacioni  meteorologjik i Kinës Qëndrore, alarm ky i katërti më i lartë në sistemin e koduar sipas ngjyrave në Kinë.

Baiyin qytet në Provincën Gansu, në veriperëndim të Kinës, dëshmoi shkallën e parë të madhe të stuhive të rërës të pranverës së këtij viti.  Fushëpamja në qytet është reduktuar në rreth 100 metra. Përveç Provincës Gansu, stuhitë e  rëres kanë  goditur Chengde, qytetin e provincës Hebei të Kinës veriore  ku temperatuarat kanë rënë nga 4 deri 6 gradë Celsius. Grimcat në ajër e bejen të vështirë frymemarrjen  dhe këmbësorët mund të ecin vetëm të pajisur me maska.

E fejuara e portierit të Real Madridit, Iker Kasilas, Sara Karbonero, ka dhënë një deklaratë të bujshme në një intervistë për televizionin meksikan, duke bërë të ditur se Zhoze Murinjo nuk është duke komunikuar me lojtarët e tij.
“Atmosfera në dhomat e zhveshjes nuk është e mirë. Tashmë dihet nga të gjithë se Murinho nuk komunikon më me lojtarët e tij”, ka thënë Karbonero, e cila është gazetare sportive. Bukuroshja spanjolle më pas e ka bërë thuajse punë të kryer largimin e Murinjos në fund të këtij edicioni. “Do të presim për të parë çfarë do të ndodhë në fund të edicionit kur Murinjo do të largohet”, ka shtuar Karbonero. Deklarata e saj vjen si një dëshmi shtesë pas asaj që ka shkruar gazeta “Marca” ditë më parë, sipas të cilës Kasilas e Serhio Ramos i dërguan një ultimatum presidentit Florentino Perez, duke kërkuar largimin e trajnerit, në të kundërt kërcënuan me lamtumirën e tyre. Pohimet e “Marca”-s presidenti Perez i quajti trillime, mirëpo gazetarja Karbonero shihet si person i besueshëm për ato që thotë. Zhoze Murinjo ka kontratë të vlefshme me Realin e Madridit deri në vitin 2016.

Gjignati i Internetit Google ka publikuar një hartë të detajuar të Koresë së Veriut.

Deri më tash, vendi i izoluar komunist ka qenë kryesisht bosh në Hartat e Google-it.

Harta, madje, thuhet se klasifikon edhe disa nga “kampet e riedukimit” të Koresë së Veriut, për ata që cilësohen si “armiq të shtetit”.

Google ka thënë se informacionet për hartën e re të Koresë Veriore i ka siguruar kryesisht nga jugkoreanët.

Shumica e banorëve në Korenë e Veriut do ta kenë ta pamundur të shohin hartën, pasi qasja në internet i mundësohet vetëm elitës së vendit./rel/

Dy persona me maska në kokë kanë grabitur një grua në qendër të Tiranës. Ngjarja ka ndodhur në ora 19.00 në stacionin e autobusëve para Bankës së Shqipërisë.
Mësohet se e dëmtuara ka qenë duke pritur në stacion në momentin kur pranë saj ka kaluar një motorr.
Njëri prej personave që ndodhej në motorr, i veshur me një xhup të kuq, i ka rrëmbyer çantën nga dora gruas së dëmtuar. mjeti ka ecur me shpejtësi në largim ndërsa gruaja është paraqitur në komisariatin nr.3 ku po bën denoncim për ngjarjen.
Nga të dhënat e fundit mësohet se ajo nuk ka pësuar dëmtime fizike nga ngjarja.

Jakup Krasniqi, i cili po përballet me një situatë të vështirë brenda partisë së tij, ka siguruar mbështetjen e dy partive më të mëdha opozitare për të vazhduar mandatin deri në fund si Kryetar i Kuvendit të Kosovës. Lidhja Demokratike e Kosovës dhe Lëvizja Vetëvendosje kanë siguruar Krasniqin se nuk do të votojnë për shkarkimin e tij, nëse një gjë e tillë kërkohet nga partia e tij. Deputetë të PDK-së kanë shfaqur dëshirën për shkarkimin e Krasniqit nga posti i Kryeparlametarit, pas qortimit dhe kritikave të tij të ashpra ndaj qeverisë dhe kryeministrit për korrupsion dhe mungesë të sundimit të ligjit në vend, por LDK dhe Vetëvendosje thonë se një mocion i mundshëm për shkarkimin e Krasniqit, do të dështojë.

“Çdo qëndrim i PDK-së, sidomos ky, është qëndrim që nuk duhet të përkrahet”,-tha Ismet Beqiri, Kryetar i GP të LDK-së.

“Ne konsiderojmë që Jakup Krasniqi është kryetar i Kuvendit të Kosovës dhe natyrisht që nuk do ts përkrahim tendencën e kujtdo për ta shkarkuar atë nga posti i kryetarit”,-është shprehur Visar Ymeri, Kryetar i GP të VV.

Në PDK po vazhdon numërimi i votave për Këshillin Drejtues, dhe për hapat e mëtejshëm, zëdhënësi i partisë, Blerand Stavileci thotë se do të vendosin organet e reja të partisë.

“Në këtë moment nuk mund të themi asgjë sepse aq sa është i rëndësishëm ai (Jakupi), aq janë të rëndësishëm edhe të tjerët. Duhet të presim megjithatë ato rezultate. Dhe nuk është pastaj se ato rezultate janë definitive në kuptimin e vendimeve përfundimtare që nxjerrin organet e partisë”,-theksoi ai.

Krasniqi gjatë drejtimit të Kuvendit, është shprehur shpesh herë kritik ndaj politikave të qeverisë, duke shprehur shpesh qëndrime të ndryshme nga ato të kryeministrit Hashim Thaçi. Së fundi, për shkak të pakënaqësive me drejtimin e qeverisë dhe partisë nga Thaçi, Krasniqi bojkotoi edhe Kongresin e VI zgjedhor të partisë.   AS