Tirane – Lajmifundit – “Nuk mbaj mend asgjë kush më ka përdhunuar”. Ky ka qenë pohimi i Florije Pecit mbrëmjen e djeshme në spitalin Mbretëresha Geraldinë në Tiranë.
Vajza 22-vjecare është marrë në pyetje dje nga dy prokurorë të Tiranës që po hetojnë mundësinë e përdhunimit të2 saj gjatë kohës që Florije peci kurohej për shkak të gjendjes së komës në të cilën mbeti pas aksaidentit të ndodhur në Himarë më 21 maj 2012.

Sipas hetimeve të kryera pas kallëzimit të bërë nga vëllai i Florije Pecit, shtatzania e saj është ngjizur në shtator 2012, kohë kur studentja e aksidentuar në Himarë, ndodhej për kurim në një spital të Vjenës në Austri.
Prokuroria po bën hetime me dyshimet se mardhënia seksuale që ka sjellë shtatzaninë ka qenë e dhunshme dhe pa dëshirën e 22-vjecares dhe mbi të gjitha në një kohë kur ajo nuk ka pasur mundësi për tu mbrojtur.
Ditën e sotme prokuroria paralajmëron se do të vazhdojë pyetjen e personave me dijeni për ngjarjen përfshi motrën e 22-vjecares e cila ka shoqëruar Florije Pecin në Austri gjatë kurimit atje.

Ataku në zemër ka qenë shkak i vdekjes së kambistit Fatmir Kotarja i cili u qëllua me armë zjarri për grabitje teksa kthehej në banesën e tij në Durrës ditën e sotme. Lajmi është bërë me dije nga një raportim zyrtar i policisë lidhur me ngjarjen.
Ngjarja ka ndodhur ne  Stacionin e Hekurudhave pranë zonës së Plazhit, ku sipas policisë, persona të maskuar e të armatosur i kanë zënë pritë shtetasit Fatmir Koltarja 46-vjeç qe u qëllua dhe u prek nga një plumb në këmbë.
Tentativa e grabitjes ka ndodhur pak metra larg banesës së viktimës, kohen kur i vëllai Haxhi Koltarja me te cilin ishte ne shoqëri, po hapte portën në mënyrë që kambisti të fuste automjetin në oborr.
Vëllai i viktimës ka dëshmuar ne polici se i Fatmiri u sulmua nga dy persona te shkurtër. Njeri nga ata pasi i përball me rezistencën e kambistit, e qëlloi me plumb në këmbë dhe mori  çantën me 25 milion leke te vjetra.
Dyshohet se ngjarja mund te ketë pasur shkak grabitjen, por megjithatë për policinë kjo ende mbetet piste hetimi. Koltarja humbi jetën rrugës për në spitalin rajonal të Durrësit, ndërkohë që kane nisur hetimet për identifikimin dhe kapjen e autorëve.
Sipas policisë, shkak i vdekjes ka qenë ataku në zemër dhe jo plaga e plumbit e marrë në këmbë e cila nuk ka qenë vdekjeprurëse. Policia Durrësit ka vënë në dispozicion një shpërblim prej 10 mijë eurosh për  informacionet në identifikimin dhe kapjen e autorëve. Për të  bërë të mundur dhënien e këtyre informacioneve Policia Durrësi ka publikuar dhe numrin e telefonit 0694118890.

Vlore – Lajmifundit – Një gjyqtare e Vlorës është sulmuar sot me lëndë të rrezikshme teksa shkonte në punë. Ngjarja e rëndë ka ndodhur rreth orës 09.00 kur gjyqtarja Mirela Mishgjoini është sulmuar nga një person ende i pa identifikuar.
Policia informon se autori i krimit, ka hedhur lëndë të rrezikshme të dyshuar si acid në drejtim të fytyrës së gjyqtares.
Prokuroria dhe policia e Vlorës filluan hetimet në lidhje me krimin ndërsa po kërkohet  autori i aktit vandal.

Dyshohet se ngjarja ka lidhje me detytene gjyqtares e cila eshte derguar ne spital per ndihme mjekesore.

Çfarë do të ndodhë më 21 dhjetor 2012? Është me të vërtetë data e cila do të shënojë fundin e botës? Kjo datë, për shumë njerëz është një shaka dhe asgjë më shumë ndërsa për shumë të tjerë një frikë, një panik.

Mes spekulime të shumta, një hulumtim i NASA u ka dhënë fund teorive të panumërta mbi parashikimet e fiseve Maya në kalendarin e tyre.

Pas një studimi të plotë dhe analizave e parashikimeve mbi mundësinë e fundit të Tokës më 21 dhjetor 2012, shkencëtarët e NASA kanë arritur në përfundimin se 21 dhjetori 2012 do të jetë asgjë më shumë se një solsticin normal diellor.

“Thjesht nuk ka prova shkencore për të mbështetur pretendimet e një apokalips në Tokë, në dhjetor 2012,” tha baza kërkimore e NASA. Sipas saj, nje fund i ngjashem si ky tani ishte parashikuar edhe ne maj 2003 por asgje e tille nuk ndodhi.

Shkencëtarët hodhën poshtë teoritë rreth crregullimeve planetare që çojnë në një apokalips në Tokë më 21 dhjetor 2012. Hulumtimi ka gjetur se nuk ka crregullime planetare por edhe nëse ndodh, ai do të ketë një efekt të papërfillshëm në tokë.

Kalendari Maya
Kalendari Mayan është një sistem i kalendarëve të përdorura në në shumë komunitete moderne në Guatemala, Meksika dhe disa të tjerë. Qytetërimi Mayan daton nga 300 pes në 500 pes.
Kalendari lëviz në cikle me ciklin e fundit përfundon në dhjetor 2012. Për këtë arsye, ajo është interpretuar shpesh se bota do të përfundojë më 21 dhjetor 2012.

Fundi i Tokës?

Teoritë e panumërta që sugjerojnë fundin e Tokës kanë shfaqur herë pas here. Por realiteti është se Toka ka një hapësirë të madhe të jetës së vazhduar. /lajmifundit.al

Tirane – Lajmifundit – Për 24 orë me radhë policia e etiketoi si vrasës por nga hetimi i kryer dhe nga ballafaqimi i provave e fakteve, ai ka dalë se nuk ka asgjë të bëjë me vrasjen e dy vëllezërve Haxhialiu mbrëmjen e të shtunës në Tiranë.
Ardjan Ndreka, 33 vjeç, nga Mamurrasi ka lënë qelitë e policisë së Tiranës pak çaste pas mesdites se diele. Ai u la i lirë nga policia e cila i kërkoi ndjesë për ndalimin ne banesën e tij në Mamurras mbrëmjen e te shtunes.
Burimet nga policia kanë thënë se pas 24 orësh që Ardjan Ndreka mbahej nën ndalim, u provua se ai nuk ka qenë fare në vendngjarje. Arrestimi i tij, sipas policise kishte qene nje keqkuptim qe u sqarua tashme.

Për vrasjen e shtetasve Igland e Sokol Haxhialiu policia ka shpallur në kërkim shtetasin Eduart Kurti por me mungesë të theksuar kujdesi dhe etike, mbrëmjen e të shtunës, policia e Tiranës e bëri publik në media emrin e Ardjan Ndrekës duke thënë se kishte kapur vrasësin e dy vëllezërve.

Emri i Aredjan Ndrekes u be publik pak minuta pas krimit nga mediat e ndryshme televizive dhe me pas edhe ne masmedian tjeter. Dy vellezerit nga Berati, me aktivitet ne Tirane dhe me biznes hotelesh ne Dhermi, u vrane ne makinen e tyre sic dyshohet per nje borxh ne sasi te konsiderueshme eurosh.

Tirane – Lajmi i fundit – UPDATE -Arrestohet ne Mamurras shtetasi Ardian Ndreka, i dyshuar per vrasjen me arme te ndodhur ne Tirane mbremjen e te shtunes.

Policia tha se arrestimi ka ndodhur nga postblloqet e ngritura prej policise. Autori i krimit dhe viktima mesohet se kane aktivitet ne fushen e hoteleris ku viktima kishte krijuar nje borxh prej 36 mije euro karshi autorit. Pikerisht ky borxh eshte bereshkak per ngjarjen.

Igland Haxhialiu, 32 vjeç, është personi që ka mbetur i vdekur pasi u qëllua me dy plumba në kokë mbrëmjen e të shtunës tek stacioni i fundit i Unazes së Re në kryeqytet.
Ngjarja ka ndodhur rreth orës 20.00. viktima ka qenë duke drejtuar automjetin Mazda, me targa  TR 9205 S. Igland Haxhialiu mësohet se është qëlluar me armë nga shtetasi A.Ndreko i cili ndodhej brenda në makinë.
Sipas të dhënave të bëra me dije për policinë nga Sokol Haxhialiu, mes autorit të vrasjes dhe viktimës, ka pasur një konflikt të çastit brenda në makinë.
Aty ka qenë i pranishëm edhe Sokol Haxhialiu, vëllai i viktimës, i cili mbeti i plagosur. Ka qenë pikërisht ai që i tregoi policisë emrin e vrasësit teksa mjekohej në spital nga plagët e marra.

Sipas te dhenave te mbledhura nga hetimi, autori i krimit dhe viktima, ishin nga Berati.

LAJMI I MEPARSHEM – Ilgi Aliu është viktima e një vrasje me armë zjarri të ndodhur mbrëmjen e të shtunës në Tiranë.  Ngjarja e rëndë ka ndodhur rreth orës 19.40 në stacionin e fundit të Tiranës së Re. Viktima Igli Aliu, mesohet se eshte 32 vjec.

Nga atentati eshte plagosur edhe nje person i identifikuar me emrin Sokol A, 42 vjec, i cili u dergua ne spital. I plagosuri mesohet se ka qene ne makine me viktimen ne momentin kur ndaj tyre u qellua disa here me arme zjarri.
Nderkaq, policia ka thënë se i riu qe humbi jeten, është qëlluar me armë nga një person tashmë i identifikuar. Viktima mësohet se ishte plagosur rëndë dhe u nis për në spital por rrugës ka gjetur vdekjen.
Forca të shumta policore janë vënë në kërkim të autorit të ngjarjes. Ai mesohet se eshte nje person me inicialet A.N.

TIRANE – UPDATE – LAJMIFUNDIT -
Ministri i brendshëm Flamur Noka ka dhënë urdhër ndaj policisë e shtetit që të ndalojë ndërprerjen të energjisë elektrike për ujësjellësat.
“ Kush heq furnizimin me energji për ujësjellësat do të përballet me ligjin. Furnizmi me ujë është çështje e sigurisë kombëtare dhe kush e cënon atë bën një akt kriminal”, tha Noka.

Lajmi i meparshem – Prokuroria dhe Policia e Vlorës ka marrë masat e duhura për të mos u ndërprerë energjia ujësjellësave. Forcat e rendit kane marre ne ruajtje linjat e energjise per e mos lejuar prekjen e furnizimit te ujesjellesit. Kjo ndodh ne diten kur CEZ ka nderprere energjine per ujesjellesat e kater qyteteve.
CEZ Shpërndarje ka deklaruar se janë mbi 50 ndërrmarje të ujësjellsave  në të gjithë vendin të cilët janë debitorë dhe do tu ndërpritet energjia deri në momentin e shlyerjes së borxhit.
Kjo është pranuar  nga përfaqësuesit e kompanisë, të cilët njoftojnë se Ujësjellësat i  kanë një borxh prej 5.4 miliardë lekësh, ose 38 milion euro.
CEZ pretendon se  kompanitë janë njoftuar për borxhet e tyre dhe afatet për pagesën e borxhit janë shtyrë disa herë por pa u shlyer.
LAJMI I MEPARSHEM - 
Kompania ceke CEZ Shpërndarje, e akuzuar për skandale të rënda gjatë veprimtarisë së saj në Shqipëri, ka nisur sot ndërprerjen e energjisë elektrike për ujësjellësat që sipas saj janë debitorë.
Duke sfiduar deklaratat e Ministrisë së Ekonomisë de nuk do të lejohet një kolaps që mund të shkaktojë ndalimi i furnizimit me ujë, CEZ ka nisur stakimin e energjisë për ujësjelësat.
Ditën e sotme që në orët e mëngjesit është ndërprerë furnizimi për ndërmarrjet e ujësjellësave të qyteteve Durrës, Sarandë, Elbasan dhe Lac.

Lajmi i djeshem – Ministri i Ekonomisë Edmond Haxhinasto deklaroi se kompania CEZ nuk do të lejohet të shkaktojë kolaps në vend me ndërprerjen e energjisë për ujësjellësat.
“Kjo nuk mund te ndodhë pasi detyrimet jane te tilla që kjo nuk mund të ndodhë.Energjia ndaj ujesjellesave nuk do te nderpritet, pasi kjo është me pasoja shumë të mëdha për qytetarët. Qeveria do të marrë masat ligjore që parashikohen për këtë rast”, tha Haxhinasto për Tch.

Zoti Haxhinasto thotë se agjencitë në varësi të Qeverisë dhe Enti Rregullator po ndërmarrin të gjitha veprimet për të mos e lejuar ndërprerjen e energjisë tek ujësjellësat.

“Të gjithë institucionet që merren me këtë cështje, duke nisur që nga Enti Rregullator, por gjithashtu edhe Ministria e Ekonomisë janë duke ndërmarrë të gjithë hapat e nevojshëm që këtu mos të ketë asnjë kosto për ujësjellësat në drejtim të furnizimit të tyre me ujë për qytetarët”, tha Haxhinasto.

Kreu i Ekonomisë konfirmoi se një ditë më parë mes Qeverisë dhe CEZ ka patur negociata intensive, ku palët kanë pretendimet e tyre.

“Së pari, gjëja më e rëndësishme është të vijojë realizimi i shërbimit të furnizimit të qytetarëve me energji, të enteve publike, të bizneseve me qëllim që të mos ketë asnjë lloj vakuumi në këtë lloj shërbimi kaq jetik për qytetarët, por edhe për ekonominë. Unë do të them që në procesin e negocimit shtrohen disa variante, skenarë për të rregulluar një marrëdhënie tashmë dihet që është problematike”, tha Haxhinasto.

TIRANE-Lajmifundit – Një efektiv i drejtorisë së përgjithshme të policisë së shtetit u arrestua sot në mbrëmje në Tiranë me 30 kilogramë lëndë të dyshuar si heroinë.
Lajmi është bërë i ditur nga Ministria e Brendshme që njoftoi se arrestimi është kryer nga forcat speciale pas një hetimi disa mujor.
Bashkë me shtetasin Anorild Cani, efektiv i policisë së shtetit me detyrë specialist antidroge, janë shoqëruar edhe tre persona të tjerë. Pas veprimeve te para, Ministria e Brendshme njoftoi se jane kapur edhe 21 kilograme lende narkotike heroine duke e cuar ne 51 kilograme sasine e sekuestruar.
Burimet zyrtare thane se Shërbimi Kontrollit të Brendshëm, në Ministrinë e Brendshme, në bashkëpunim me Prokurorinë e rrethit Tiranë dhe DPQT, u arrestoi në kushtet flagrancës shtetasin Anoril Naim Cani, i dt. 07.05.1981, lindur në Pogradec, banues në Tiranë, me detyrë specialist në departamentin e antidrogës, në Drejtorinë e Përgjithshme të Policisë së Shtetit, shtetasit Gentian Vlash Gjoka, i dt. 27.07.1974, lindur në Cërrik, Ilir Petrit Shehaj, dt. 02.12.1966, lindur dhe banues në Tiranë, i njohur me pseudonimin “Gjyshi” dhe Madrit Manush Dule, i dt. 1974, banues në Vorë, Tiranë, për veprën penale, “Grup i strukturuar kriminal”, parashikuar nga neni 333/A, i Kodit Penal. Në momentin e arrestimit të arrestuarve u janë kapur 8 kg. pluhur i bardhë që dyshohet për kokainë, mbi 31.3 kg heroinë, një pistoletë TT, si edhe 3100 € dhe 111. 420 lekë të reja.

Gjithashtu, të ndaluarve u janë sekuestruar 8 aparate celularë dhe tre makina që transportonin lëndët narkotike. Ndërkohë, operacioni është shtrirë dhe vijon në Vorë, Elbasan dhe Tiranë në banesat dhe bazat e dyshuara.

Dëshmia e plotë – I përlotur në sallën e gjyqit dhe me vështirësi në dëgjim, Shaban Norja ka dhënë dëshminë e tij sot në gjykatën e Durrësit në lidhje me vrasjen e Aishe Vatës.
I moshuari ka thënë se prej ditësh Aishe Vata i kërkonte që ta vriste që të mos merrej vesh se kishte qenë shtatzënë. Shaban Norja pretendoi në gjyq se i ka kërkuar Aishes ta çonte në klinika për abort, por ajo nuk pranonte ta qhitë fëmijën. Lajmifundit.al, mesoi se i moshuari pretendoi se pasi Aishe Vata i kërkoi ta vriste ai i tha asaj se pas krimit do vriste dhe veten, por vajza nuk kishte pranuar…..
Dëshmia në gjyq
Shaban Norja: Zoti gjyqtar. Nuk kam dashur ta vras
Kishe tri dite e tri net që mu luste…
Aman më vrit….Se nuk mund ta qes fëmijën..
U thosha do të çoj unë ta qesës fëmijën
Sipas fesë që kam bërë thoshte duhet të më vrasësh, që mos kuptojnë
Më vrit, ma prit kokën që mos të marrin vesh njerëzit
Gjyqtari: Clidhje keni ju me viktimën?
Kam pas lidhje, të ngushtë…. tash e tri vjet
Ajo pati mbet shtatzënë, nga unë, dhe nuk e qiste….

Gjyqtari: Kur e morët vesh se ishte shtatzënë?
Ka nja dy javë
Gjykata: Çfare kërkoni nga gjykata?
Shaban Norja: Atë që kam bërë, të vazhdojë, i pata thënë a ta vras dhe veten time, ajo më tha jo se atëherë e marrin vesh që kam qenë me barrë
 Gjykata: Nga ta dime ne se janë të vërteta?
Shaban Norja: E them me gjith shpirt
Gjykata: Keni gjë tjetër?
Shaban Norja: Jo nuk kam tjetër

Nga hetimet e deritanishme, profili i 80- vjeçarit përkon me një maniak seksual. Të krijosh raporte seksuale me persona me shumë vite diferencë, është karakteristikë e një maniaku seksual. Shaban Norja mund të ketë pasur dëshirë për t’u lidhur me vajza të vogla”. Kështu deklaroi dje, prokurori Sokol Nishani. Ai thotë se prokuroria dhe policia e Durrësit zbardhën në kohë rekord ngjarjen e ndodhur pak ditë më parë në fshatin Xhafzotaj të Durrësit, ku u masakrua 18-vjeçarja Aishe Vata. Dosja voluminoze me numër 16 49, me mbi 2000 faqe, ka zënë një vend kryesor në tavolinën e prokurorit Nishani. Në një intervistë, prokurori i çështjes tregon se kanë mundur të dokumentojnë plotësisht, se autori i vrasjes makabre të adoleshentes, si dhe babai i fëmijës tremuajsh të saj është 80-vjeçari Shaban Norja. Ndërkohë, Sokol Nishani sqaron me detaje të gjitha provat e grumbulluara, aktet e ekspertizës dhe dëshmitë e dhëna nga autori i krimit, përfshi këtu dhe skenën e plotë të krimit. Nga dëshmitë e dhëna para hetuesve, të paktën në një rast tjetër, ka rezultuar se Norja përgjonte çiftet e tjera kur kryenin marrëdhënie seksuale, gjë që flet për profilin e tij si maniak seksual. Po sipas prokurorit Nishani, vetëm viktima dhe autori i krimit ishin në dijeni të shtatzënisë, dhe se, nga hetimet e deritanishme rezulton që raportet e tyre seksuale kanë qenë shumë normale, me dëshirën e të dyve.
Zoti Nishani, çfarë ka rezultuar nga raporti mjeko-ligjor dhe çfarë provash të pakontestueshme rëndojnë mbi autorin e krimit?
Është raporti i parë, i cili na ka vërtetuar faktin se trupi është prerë me armë të ftohta prerëse. Bëhet fjalë për një kosë. Viktima ishte 3 muajshe shtatzënë, konkretisht 12-javëshe. Ky është raporti i parë, sepse jemi në pritje të raporteve të tjera, pasi do të jenë disa të tilla. Rezultatet e ADN-së të kryera në fetus dolën në përputhje me gjakun e autorit. Po kështu, edhe analizat e kryera në rrobat e viktimës dhe të autorit dolën që kishin përputhje me 80-vjeçarin Shaban Norja në momentin e skenës së vrasjes. Konkretisht, pështyma dhe gjurmët e gjetura në trupin e 18-vjeçares, në gjoks dhe në pjesë të tjera kanë përkuar plotësisht. Gjithashtu, edhe gjurmët e gjakut dhe të pështymës të gjetura në këmishën e autorit përkonin me gjurmët e gjakut që u gjetën në tutat e vajzës rreth 100 metra larg prej banesës njëkatëshe që Norja kishte nën ruajtje. Ndërkaq, xhupi i vajzës, me të cilin ka dalë nga shtëpia e saj, i gjetur rreth 1 kilometër larg nga vendngjarja në një vendgrumbullim plehrash, përkon me gjurmët e gishtave dhe djersën e autorit, i cili e ka lënë aty pasi kishte kryer vrasjen, në tentativë për të zhdukur gjurmët e krimit.
Po nga aktet e tjera çfarë ka rezultuar?
Në fakt, raportet nga mjekësia ligjore kanë përfunduar dhe përgjigjet janë gati për t’iu bashkuar dosjes. Pritet që nesër në mëngjes t’i dorëzohen prokurorisë nga ekspertiza mjeko-ligjore. Janë një numër aktesh ligjore, si akti i ekspertimit mjeko-ligjor për kokën, i dokumentuar. Presim rezultatet e ADN-së, të cilat janë bërë. Por janë dokumentuar të gjitha provat, dhe arrestimi i autorit është bërë ditën e diel, në orën 15:30, pasi së bashku me autorin e dyshuar ne shkuam në vendngjarje dhe ndërtuam skemën e krimit. Kjo, në bashkëpunim me inspektorët e krimeve. Shaban Norja na tregoi vendin ku kishte hedhur kokën e viktimës, dhe ku ishte hedhur arma e ftohtë, kosa, – mjeti me të cilin i është prerë koka vajzës 18-vjeçare. Koka e viktimës, gjatë së dielës iu nënshtrua ekspertizës mjeko-ligjore, ndërsa sot (dje) u dërgua në mjekësinë ligjore, për t’iu bërë një ekspertizë e dytë më e specializuar. Më pas, koka është marrë nga familjarët e viktimës.
Ju ka treguar 80-vjeçari se si e masakroi Aishe Vatën?
Autori, në dëshminë që na ka dhënë, ka thënë që viktimën e ka vrarë me armë zjarri, nga pas kokës, dhe më pas ka bërë prerjen e kokës, duke e shkëputur nga trupi. Nga ekspertiza ka rezultuar se vajza ka një goditje me armë pas koke dhe ka një dalje plumbi në afërsi të syrit të majtë, çka vërteton që është qëlluar me armë zjarri. Mbi këtë bazë, edhe kjo do t’i nënshtrohet një analize të detajuar të mjekësisë ligjore, – vendim i marrë ky nga prokuroria. Ndërkaq, trupi i është nënshtruar një ekspertize të hollësishme, për të parë se çfarë dëmtimi ka dhe çfarë mjeti është përdorur.
Nga ekspertiza që i është bërë trupit të viktimës, çfarë është konstatuar?
Nuk kishte asnjë gjurmë dhune, dhe kjo ka treguar që raportet e tyre seksuale kanë qenë shumë normale, me dëshirën e të dyve. Edhe ditën e ngjarjes, të vrasjes, nuk ka pasur ushtrim të dhunës.
Para vrasjes, viktima ka kryer marrëdhënie seksuale me 80-vjeçarin Shaban Norja?
Po. Ka pasur gjurmë sperme. Sipas të gjithë raportit mjeko-ligjor, edhe atë natë kanë kryer marrëdhënie seksuale.
Nga provat që keni mbledhur deri tani, cili është motivi i vrasjes së 18-vjeçares?
Motivi është shtatzënia e padëshiruar që ka pasur vajza. Shaban Norja pretendon që i ka kërkuar Ajshe Vatës të abortonte, por ajo nuk ka pranuar. Realisht s’dihet ende, sepse nga verifikimet dhe provat e prokurorisë raportet midis 18-vjeçares dhe 80-vjeçarit, janë të tilla, që vetëm këta kishin dijeni mbi ngjizjen e shtatzënisë.
Pjesëtarët e familjes Vata, ishin në dijeni të shtatzënisë së 18-vjeçares?
Asnjë person tjetër nuk e ka ditur që çifti ka qenë duke pritur një fëmijë; as nga familjarët e viktimës dhe as nga ata të autorit. Kjo është e verifikuar nga të gjitha veprimet që prokuroria ka kryer deri tani. Lidhja që kanë pasur me njëri-tjetrin dhe i një fëmije në mes, nuk është ditur nga persona të tjerë. Duke përfituar nga ky fakt, autori ka kryer vrasjen, dhe është munduar të fshehë provat e të mbulojë krimin në një farë mënyre.
A ka prova që vajza është përdhunuar që 14 vjeçe?
Në fakt, nuk ka gjurmë të një akti përdhunimi. Autori e pranon faktin që ka pasur raporte seksuale me viktimën, por jo se e ka përdhunuar viktimën. Raporti ka qenë me mirëkuptimin e të dyja palëve. Ne nuk mund ta vërtetojmë kur është kryer akti seksual për herë të parë, sepse 18-vjeçarja është e vrarë. Ekspertët mjeko-ligjorë na kanë konfirmuar faktin që kjo ka pasur deflorim, zhvirgjërim disa vite më parë.
Çfarë profili ka ndërtuar prokuroria për 80-vjeçarin Shaban Norja?
Personaliteti i 80-vjeçarit do të ndërtohet me ecurinë e mëtejshme të hetimit, duke dokumentuar se çfarë raportesh ka pasur me familjen, me shoqërinë, me femra, me meshkuj. Në një konkluzion timin personal, e konstatuar dhe e evidentuar deri tani, më ka krijuar përshtypjen e një maniaku seksual. Të krijosh raporte seksuale në mosha me shumë vite diferencë, është karakteristikë e një maniaku seksual. Ky mund të ketë pasur dëshirë për t’u lidhur me vajza të vogla.
Keni të dhëna nëse 80-vjeçari kishte ngacmuar apo kishte marrëdhënie seksuale me vajza të tjera në fshatin Xhafzotaj?
Jo, deri tani nuk kemi të dhëna në lidhje me ngacmime apo raporte seksuale të autorit me vajza të tjera të fshatit. Por nuk përjashtojmë mundësinë që ai të ketë pasur dëshirë për t’u lidhur me vajza të vogla.
Çfarë ka ndodhur me njërën prej motrave të viktimës, dhe çfarë dokumentesh ka në dorë prokuroria?
Në fakt, ne kemi vetëm dëshminë e Shaban Norjes. Ai ka deklaruar se e ka ndjekur së paku 4 apo 5 herë motrën e Aishes, e cila sipas tij ka pasur marrëdhënie seksuale me një person tjetër në fshat. Ai e ka ndjekur dhe i ka vëzhguar. Ai thotë që kishte lajmëruar babain e saj, Muhamet Vata, që vajza e tij nuk sillej mirë.  80-vjeçari i akuzuar ka thënë, që, pas divorcit së motrës së viktimës nga bashkëshorti, një pjesë të fajit, Muhameti ia ka vënë atij, që në atë kohë ka qenë 76 vjeç. Po sipas dëshmive të autorit, vajza, pas divorcit me burrin, ka thënë që marrëdhëniet i ka pasur me Shabanin. Nëse këto raporte janë të vërteta apo jo nuk dihet, dhe kjo nuk është objekt i hetimit për momentin.gazeta shqiptare