LEZHË—Një ngjarja kriminale është parandaluar mesditën e së enjtes në Lezhë. Ngjarja mësohet të ketë ndodhur saktësisht në fshatin Barbulloj të Ri ndërsa shtetasi Pëllumb Gojani ka qëlluar ndaj dy personave të identifikuar si vëllezërit Stena. Gojani është burri i motrës së tyre ndërsa mësohet se prej dy muajsh ata kanë vendosur ti japin fund martesës.

Autori ka mbërritur në shtëpinë e Stenajve dhe ka qëlluar me armë zjarri. Fqinjët kanë njoftuar menjëherë forcat e policisë të cilat kanë bërë të mundur arrestimin në flagrancë të autorit brenda pak minutave.

Një 17 vjeçar është prangosur nga policia e qytetit të Fierit. K.H nga Karbunara e Lushnjës u cilësua fajtor për vjedhjen dhe më pas shitjen për skrap të një motokorrëseje të barit. Autori sipas policisë në banesen e tij ne fshatin Karbunare e Madhe ka vjedhur  dhe shitur motokorrsen e barit ne pronesi te familjes se tij tip “Gruding” me vlere 150.000 leke. Materialet do ti kalojne Prokurorise Rrethit Gjyqesor Vlore Seksionit te Mitureve per veprime te metejshme”.

Bllokohen nga policia në Tiranë, 106 makina me xhama të zinj. Aksioni i kontrolleve dhe bllokimit të mjeteve ka nisur mbrëmjen e të dielës dhe ka vazhduar gjatë gjithë natës.
Burimet zyrtare thanë se gjatë aksionit është arritur të shoqërohen tetë persona të cilëve u janë gjetur shkopa bejsbolli në automjete.
Të gjitha makinat me xhama të zinj janë bllokuar dhe dërguar para komisioneve për vendosjen e penaliteteve.

Policia e Kosovës njofton se mbrëmë në sheshin “Nënë Tereza”, në Prishtinë një femër ka therur me thikë një person, të cilit pasi iu dha ndihma mjekësore është jashtë rrezikut për jetë, kurse e dyshuara është arrestuar.
Policia thotë se thika e cila është përdorur në këtë rast është konfiskuar dhe e dyshuara është arrestuar dhe pas intervistimit me vendim të Prokurorit dërgohet në mbajtje.
Po ashtu, në fshatin Keqekollë të Prishtinës një person derisa ka qenë në gjah është vetë plagosur me arme gjuetie.
I lënduari është dërguar për tretman mjekësor. Sipas raportit mjekësor gjendja shëndetësore e të lënduarit është jashtë rrezikut për jete. Arma është konfiskuar për të cilën i dyshuari nuk posedonte leje përkatëse.

Dy gra janë plagosur nga shpërthimi i një bombole gazi në një shtëpi private në Tiranë. Ngjarja ndodhi pranë shkollës ‘Myslym Keta’ në kryeqytet, ndërsa në banesë kanë qenë dy gra të moshuara, të cilat janë plagosur.

Zjarrfikëset shkuan në vendngjarje, ndërsa theksojnë se shpërthimi dyshohet se ka ardhur nga rrjedhja e gazit në banesë.

Bombola e përdorur për gatim, me rreth 16 litra gaz ka shpërthyer që në momentin që të moshuarat e kanë ndezur atë. Shpërthimi ka qënë aq i fortë sa ka thyer edhe xhamat e shtëpisë.

Gratë e lënduara janë dërguar në spital, ndërsa hetimet për të zbuluar shkaqet e shpërthimit vazhdojnë.
Të moshuarat janë jashtë rrezikut për jetën.

Pasditen e djeshme u be arrestimi ne flagrance i shtetasit Andrea Petrit Memo 39 vjec, banues ne fshatin Miras-Devoll, pasi ka bere kallzim nena e tij F.Memo 69 vjece, banuese ne fshatin Goskove-Korce, e cila deklaron se pas nje konflikti per shkaqe ekonomike, shtetasi i mesiperm ka ushtruar dhune psikologjike e fizike ndaj saj. Materialet per kete rast do i kalojne Prokurorise se Rrethit Gjyqesor Korce per vepren penale “Dhuna ne familje”, parashikuar nga neni 130/a i Kodit Penal.

Prezenca e prostitutave në shtëpinë e kujdesit për personat me aftësi të kufizuar ka shkaktuar debate dhe tanimë ka nisur një hetim zyrtar. Mediat britanike shkruajnë se në Eastbourne të Sussex në mënyrë të vazhdueshme prostitutat janë ftuar për takime intime e speciale në Chaseley Nursing Home. Ato takoheshin me banorët në dhoma speciale pasi kishin vendosur tabelat në derë për të mos u shqetësuar nga askush. Autoritetet tanimë janë duke hetuar në lidhje me dyshimet për abuzim me personat me aftësi të kufizuar. Por drejtuesit e qendrës thonë se disa prej personave banorë të kësaj qendre bëheshin agresiv dhe në mungesë të një kënaqësie seksuale sulmonin stafin. Ata e mbështesin këtë “furnizim” me prostituta si e drejtë e njeriut e cila nuk mund ti mohohet as personave me aftësi të kufizuar.

DURRES—Policia e Durrësit është prononcuar zyrtarisht në lidhje me ngjarjen e djeshme në zonën e Plazhit kur  nga persona te paidentifikuar eshte qelluar me armë zjarri shtetasi Fatmir Kotarja, 47 vjec, banues ne lagjen Nr.13 Durres. I dëmtuari ka ndërruar jetë gjatë kohës kur transportohej nga vëllai i tij për ndihmë mjekësore drejt Spitalit Rajonal Durrës.

Me sinjalizimin e marrë në Polici për këtë ngjarje, në pikat hyrëse dhe dalëse që lidhin  me vendin e ngjarjes u ngritën pika kontrolli. Gjithashtu në vendngjarje, për kryerjen e veprimeve të para hetimore e proceduriale u angazhuan specialistë të strukturave të ndryshme që operojnë në Policinë e Qarkut, të cilët punuan nën drejtimin e Prokurorisë Rrethit.

Nga tërësia e veprimeve të para hetimore të kryera lidhur me këtë ngjarje rezultoi se: Shtetasi Fatmir Kotarja, në kohën kur eshte kthyer nga vendi i tij i punes, lokal i kembimit valutor ne lagjen Nr.6 Durres, me automjetin e tij Ford Focus me targa AA397CY, para portes se baneses se tij, dy persona te maskuar dhe me arme zjarri automatik e kanë qelluar dhe me pas i kane marre ne sedilen e makines nje shumë prej 2.500.000 lekë.
Nën drejtimin e Prokurorisë veprime hetimore kanë vijuar edhe përgjatë natës ku në ambientet policore janë shoqëruar e pyetur  mbi rrethanat e hetimit 62 persona. Po kështu, masat kanë vijuar edhe me kontrolle të ambienteve të ndryshme.

Gjatë kontrolleve të kryera, në një lokal ne lagjen Nr.6 Durres në pronësi të shtetasit Zakarel Zaka, 34 vjec, banues ne lagjen Nr.6 Durres, u gjetën dhe sekuestruan ne cilesine e proves materiale:
- 1 pushke model 56 kaliber 7.62mm,
-10 cope fisheke te kalibrit 7.62mm,
-35 cope fisheke kaliber 9mm,
-1 revolver me mulli pa numer.

Shtetasi në fjalë u arrestua në flagrancë nga ana jonë për veprën penale  “Mbajtje pa leje e armeve luftarake dhe municioneve”.

Policia po vazhdon punën për identifikimin e autoreve si dhe  sqarimin e plotë të rrethanave te kësaj ngjarje.

Në Mitrovicë, ka ndodhur një aksident i rëndë në trafik, që ka rezultuar me humbje tragjike të jetës së një këmbësori. Aksidenti është raportuar të ketë ndodhur në rrugën magjistrale Mitrovicë – Zubin Potok, përkatësisht në rrugën e “Ulqinit”, në afërsi të parkut “Solana” në Mitrovicë, ndërsa ishin të përfshirë një veturë dhe një këmbësor, rreth 23 vjeçar, njofton policia.
Sipas policisë, viktima e këtij aksidenti, H.Islami 23 vjeçar, nga Mitrovica, është konfirmuar pa shenja jete në vend të ngjarjes ndërsa konstatimin mbi vdekjen e tij e ka bërë mjeku kujdestar në vend të ngjarjes.

Në bazë të hetimeve preliminare të rastit, aksidenti besohet të ketë qenë shkaktuar në momentin kur automjeti “Audi A3” po qarkullonte në rrugën e “Ulqinit” nga drejtimi i fshatit Zhabar në drejtim të tunelit të lagjes Bair, ndërsa me të arritur tek udhëkryqi, me pjesën e përparme të veturës godet këmbësorin, i cili në atë moment po bënte kalimin e rrugës nga ana e majtë e drejtimit të lëvizjes së automjetit.

Prokurori i shtetit në Mitrovicë i cili ishte prezent në vend të ngjarjes, ka autorizuar që trupi i pajetë i viktimës të dërgohet në Institutin e Mjekësisë Ligjore në Prishtinë, për obduksion.

Një 33 vjeçar, si i dyshuar për ngasjen e veturës dhe shkaktimit të aksidentit, është dërguar në lokalet policore në Mitrovicë, për inicim të procedurave të rastit ndërsa me autorizim të prokurorit, ndaj të njëjtit është caktuar masa e ndalimit policor.

Një makine është përfshirë nga flaket gjatë lëvizjes në autostradën Lushnje -Rrogozhine ne vendin e quajtur Bishti i Zhurit.
Drejtuesi i makinës tip “mercedes benz 220” me targa AA 520DY ka njoftuar policinë se makina e tij ishte përshirë nga flaket dhe vete është larguar nga vendngjarja.
Zjarrfikëset nga Kavaja kanë bërë shuarjen e zjarrit te makinës e cila ishte shkrumbuar totalisht, duke kane  shmangur  ndonjë incident tjetër me mjetet qe qarkullonin.
Policia ka nisur  hetimet për shkaqet e rënies se zjarrit ne makine. Gjithashtu po punohet për identifikimin e pronarit te mjetit  dhe për zbulimin e plote te ngjarjes.