Prokuroria e Athinës kërkon hetime në Shqipëri për një shqiptar që ka fyer simbolet e shtetit grek në profilin e tij në Facebook. Veç kësaj, i dyshuari i autoriteteve të shtetit fqinj ka publikuar fotografi ku paraqiten persona me armë kallashnikov në duar.

Kërkesa për hetime në territorin shqiptar ka ardhur prej faktit se profili në Facebook është hapur në një kompani shpërndarëse interneti në Shqipëri. Pak ditë më parë Gjykata e Tiranës ka pranuar kërkesën e dërguar nga autoritetet e Drejtësisë greke për të bërë verifikime dhe për të identifikuar personat në foto. Referuar vendimit, Gjykata urdhëron Prokurorinë e Tiranës të kryejë verifikimet e kërkuara nga pala greke.

Në vendimin e Gjykatës citohet kërkesa e palës greke, sipas së cilës, Prokuroria e Athinës ka filluar hetime paraprake për “armëmbajtje pa leje në bashkëpunim” dhe “fyerje të simboleve të shtetit helen në bashkëpunim”, vepra të parashikuara në Kodin Penal të Greqisë. Sipas hetuesve grekë, profili i “shënjestruar” prej tyre në Facebook zotërohet nga një prej meshkujve të shfaqur në foto, me emrin Xhimi D…g.sh

Një raport i ri i organizatës “Freedom House” e radhit Shqipërinë dhe Kosovën në kategorinë e vendeve  me liri të pjesshme, pra me kufizime në respektimin e lirive politike dhe atyre civile. Një përfaqësuese e organizatës i tha Zërit të Amerikës se Shqipëria dhe Kosova përballen me probleme të ngjashme, sidomos me mungesën e aftësisë për të luftuar krimin e organizuar dhe për të ndjekur penalisht korrupsionin politik në nivele të larta.

Në raportin e këtij viti të organizatës “Freedom House”, Shqipëria dhe Kosova radhiten mes 58 vendeve të botës me liri të pjesshme.

Shtetet e tilla vuajnë shpesh nga një mjedis i korruptuar, sundimi i dobët i ligjit, grindjet fetare e etnike dhe nga dominimi i skenës politike nga një parti e caktuar.

Në një intervistë nga Nju Jorku, Sylvana Kolezckowa, e organizatës Freedom House, i përshkruan kështu vendet e kësaj kategorie:

“Vende me liri të pjesshme janë vendet ku ekzistojnë intitucione demokratike, por ato funksionojnë me të meta të mëdha”.

Shqipëria është anëtare e NATO-s dhe aspiron të anëtarësohet në Bashkimin Evropian. Megjithatë, edhe në klasifikimin e këtij viti ajo vazhdon të renditet si vend pjesërisht i lirë. Zonja Kolezckowa jep këtë shpjegim:

“Fakti që Shqipëria vazhdon të ndeshet me një mur pengesash dhe refuzimesh lidhur me anëtarësimin, nuk është dhe aq për t’u habitur po të shikosh dobësitë në disa prej institucionet bazë të vendit, që Bashkimi Evropian i merr shumë seriozisht, sidomos në gjyqësor, në sundimin e ligjit dhe në zbatimin e ligjit antikorrupsion.”

Freedom House thotë se në krahasim me vendet e tjera në rajon Shqipëria qëndron diku në mes.

“Vitet e fundit kemi parë një konsolidim të vazhdueshëm të autoritetit nën administratën Berisha. Mendoj se nëse kjo prirje vazhdon dhe nëse shikojmë zëvendësimin e njerëzve dhe institucioneve që duhet të shërbejnë si kontroll mbi ekzekutivin, atëherë mund të bëhemi dëshmitarë të një keqësimi më të shpejtë të gjendjes në Shqipëri krahasuar me fqinjët. Këtu e kam fjalën sidomos për zyrën e prokurorit të përgjithshëm por edhe për disa të tjerë.”

Shqipëria krahasuar me një vit më parë, ndodhet pothuajse në shkallën e njëjtë të vlerësimit. Sivjet ajo ka marrë notën 3 për dallim nga një vit më parë kur ishte vlerësuar me 3.5.

Kosova ndërkaq ka vlerësime të njëjta në dy shtyllat kryesore që, sipas Freedom House, përcaktojnë lirinë e një vendi. Ajo edhe sivjet ka marrë notën 5 për të drejtat politike dhe 4 për liritë civile. Megjithatë, dy vendet përballen me probleme të ngjashme:

“Këto janë sidomos mungesa e aftësisë për të luftuar krimin e organizuar dhe për të ndjekur penalisht korrupsionin politik në nivele të larta.”

Nga vendet e rajonit, bashkë me Shqipërinë dhe Kosovën, në radhën e vendeve me liri të pjesshme janë edhe Bosnja dhe Maqedonia.

Ndërsa, Serbia, Kroacia e Mali i Zi, radhiten në mesin e vendeve të lira.

VIDEO – Bashkimi për herë të dytë në një produksion i gjigandëve të filmave të zhanrit aksion, si Sylvester Stallone, Arnold Schwarzenegger, Bruce Willis, Jean Claude Van Damme, Dolph Lungdren dhe Chuck Norris, ka rezultuar mëse i suksesshëm.

Dhe për më tepër, një pjesë e rëndësishme e skenarit, megjithëse nuk është xhiruar këtu, zhvillohet në Shqipëri.

Filmi “The Expendables”, apo “Mercenarët 2″, i realizuar me regji të Simon West, ka arritur të marrë një shumë prej 29 milionë dollarësh gjatë fundjavës së kaluar në kinematë amerikane dhe kanadeze, duke u ngjitur kështu në majë të klasifikimit si filmi më fitimprurës i momentit.
Filmi flet për një grup miqsh që kërkojnë të hakmerren ndaj një mercenari rival, të luajtur nga Jean Claude Van Damme, për vrasjen e njërit prej tyre dhe rrezikun që i kanoset botës prej tij për shkak të një arme vdekjeprurëse të cilen ai kërcënon ta përdorë.

Një pjesë e mirë e historisë zhvillohet çuditërisht në Shqipëri, ku banda e mercenarëve vjen në kërkim të një thesari i cili kishte mbetur në një aeroplan që u rrëzua në Shqipëri.

Ky thesar rezulton të jetë një lloj harte, e cila tregonte vendndodhjen e një miniere platoniumi. Vendi ynë bëhet edhe pika e takimit mes mercenarëve dhe rivalit të tyre Jean Villain, i luajtur nga Van Damme, citon tch.

Prodhimi i filmit flitet të ketë arritur shifrën 100 milionë dollarë dhe ka qenë një shans i mirë për aktorët që po i afrohen moshës së pensionit për të patur një tjetër hit në karrierën e tyre të suksesshme.

Produksioni është vazhdim i origjnalit “Mercenarët”, një sukses i vitit 2010 që arriti fitime prej 35 milionë dollarësh vetëm javën e parë në Amerikë dhe më pas deri në 274 milionë në gjthë botën.

Drejtoria e Policisë së qarkut Gjirokastër, e mbështetur nga FNSH dhe Delta Force, kanë ndaluar 12 persona gjatë patrullimeve të fundit në Lazarat.
Mësohet se policia patrulluar me qëllim bllokimin e automjeteve që transporton ujë, pleh organik apo baltë për në këtë fshat me qëllim kultivimin e kanabisit, si dhe për bllokimin e fuqisë punëtore që tenton të hyjë në Lazarat për këtë qëllim.
Policia ka thënë se në vendin e quajtur Pularia, në hyrje të fshatit Lazarat, forcat e rendit kanë nxjerrë jashtë funksionit katër depozita të mëdha, që shërbenin për grumbullimin e ujit nga puset dhe më pas për të mbushur botet me ujë, si dhe ka nxjerrë jashtë përdorimit katër bote pa asnjë dokumentacion, ku gjatë operacionit drejtuesit e automjeteve braktisën botet dhe u larguan me shpejtësi në brendësi të fshatit.
Specialistët për Parandalimin dhe Hetimin e Krimit në Komisariatin e Policisë Gjirokastër kanë thënë se drejtuesit e boteve i përdornin këto automjete pa asnjë dokumentacion dhe asnjë kusht teknik, vetëm për transport uji, duke ua shitur me lekë disa banorëve me qëllim kultivimin e kanabisit.

Ish-banorja e Big Brother Albania 5, e cila u bë e famshme për fotot e saj nudo dhe erotike ka bërë publike një fotografi me një mashkull.
Djali i ri në moshë qëndron në afrimitet me Gentën e cila pak javë më parë ka deklaruar se ka gjetur një të dashur dhe me lekë madje.
Kohët e fundit ishte folur për një rikthim të vajzës nga Korça tek ish i dashuri i saj Rubensi të cilin ajo e akuzoi për publikimin e fotove intime.

Ventilatorët elektrikë gjejnë përdorim të gjerë veçanërisht në kohë vere. Këto pajisje, portative ose të fiksuara në tavan,shihen si të efektshme nga të moshuar që mundohen nga vapa, apo njerëz që nuk e durojnë atë, djersiten, por nuk kanë kushte ose s’janë në gjendje të përballojnë koston e ajrit të kondicionuar.
Një studim i ri tregon se ventilatorët jo vetëm që nuk ndihmojnë shumë gjatë valës së të nxehtit – ato ndoshta bëjnë efektin e kundërt duke shkaktuar pasoja shëndetësore.

Studimi tregon se ventilatori mund të ndihmojë nëse temperatura është nën 95 gradë Fahrenheit = 35 gradë Celsius, dhe vetëm nëse ajri i ventiluar nuk i bie personit drejtpërdrejt. Nëse temperatura është mbi 35 gradë Celsius, të gjitha gjasat janë se ventilatori mund të rrisë nxehtësinë dhe djersitjen, gjë që mund të çojë në dehidratim e probleme të shumta shëndetësore që vijnë me të.
Por shqyrtimi mbi efektshmërinë e ventilatorëve gjithashtu thotë se nuk ekzistojnë mjaft studime të besueshme për të treguar përfitimet dhe dëmet nga ventilatorët elektrikë.
Pra, në kohë vape, këshilla më e sigurt është; në vend të përdorimit të një ventilatori, pini më shumë ujë dhe synoni për mjedise të freskëta, thuhet në studimin e kryer nga qendra kërkimore Cochrane. Astrit Lulushi, ZA

Aktorja e serisë ‘Coronation Street’, Brooke Vincent, ka pranuar se do të dëshironte që këngëtarja Rihanna, të jetë dashnorja e saj në filmin në fjalë.
Vincent ka thënë se ylli i hitit ‘Umbrella’ do të ishte dashnorja e saj e ëndrrave në këtë seri. Seria në fjalë ka aktoren në rolin e lesbikes Sophie VVebster.
‘Ajo është beqare dhe e gatshme për aksion. Do ta dëshiroja Rihanna-n si dashnoren time të ëndrrave’, është shprehur aktorja.

Partitë e vogla të spektrit të djathtë janë zhgënjyer nga aleati i tyre që nuk e shqyrtoi kërkesën për rishikim të sistemit zgjedhor. Fatmir Mediu ka thënë se republikanët do të rishohin koalicionin. Pavarësisht se proporcionali rajonal, që u la në fuqi edhe me ligjin e ri zgjedhor, favorizon koalicionet me partitë e mëdha, kreu i republikanëve, Fatmir Mediu, deklaron prerë, jo nuk ka një bashkëpunim apriori me demokratët.

“Do të shikojmë çdo lloj mënyre që ka të bëjë me jetën dhe rezultatin e partisë Republikane, pastaj të tjerat janë krejt sekondare”, deklaron Mediu.
Ai thotë se janë mundësitë për rishikimin e sistemit edhe në shtator nëse egziston vullneti. Duke analizuar dëmin që i ka shkaktuar skenën politike dhe shoqërore, kjo formulë e mandateve e miratuar nga dy partitë e mëdha, Mediu vë theksin te domosdoshmëria urgjente e ndryshimit të saj.
“Gjithmonë kur ka vullnet, ka shanse. Por unë shoh një mungësë të vullnetit. Për sa kohë sa kishte mungësë të vullnetit për të shqyrtuar kërkesat e partive, qoftë dhe nga pikpamja formale edhe sikur ti hidhnin poshtë, unë nuk besoj se do të ketë një vullnet në të ardhmen për të analizuar drejt këtë fenomen. Ne duhet të vazhdojmë përpjekjet tona brenda Parlamentit, sëbashku me partitë e tjera për të arritur se sa mund të ndikojnë në këtë proces. Ky monopol në jetën politike shqiptare, unë gjykoj se nuk vjen nga mbështetja e shqiptarëve, por vjen nga një legjislacion i tillë, vjen për shkak të një mbështetje financiare që shkon në favor vetëm të partive të mëdha, një raporti mediatik tashmë të përcaktuar e të atashuar pranë partive të mëdha dhe e bën të gjithë jetën politike jo të lidhur me debatin e qenësishëm në interes të qytetarit por me debatin e individëve që sot mbizotërojnë në jetën politike të shqiptarëve”, deklaroi Mediu, citon AS.
Miratimi i Kodit te ri Elektoral nuk mori parasysh kërkesën e partive të vogla për një korrektim kombëtar të votave, duke minizuar mundësitë për përfaqësim në Kuvend të partive të vogla, votat e të cilave, me formulën aktuale shkojnë për llogari të PS-së e PD-së.

Portieri dhe kapiteni i Real Madridit, Iker Casillas, ka thënë se objektivi kryesor i skuadrës së tij mbetet Champions League.
“Qëllimi ynë është të fitojmë gjithcka: Superkupën e Spanjës, La Ligën, Kupën e Mbretit dhe Championsin. Pa dyshim që fitorja e Championsit të 10-të nga Reali do të ishte dicka e vecantë. Sezonin e kaluar ishim shumë pranë finales, ndërsa këtë radhë duam ta fitojmë.”, ka pohuar portieri i Spanjës.
Në lidhje me Barcelonën, Casillas tha se: “E respektoj Barcelonën dhe cfarë ka bërë Guardiola, por më intereson Reali i Madridit me të cilin dëshiroj të fitoj sa më shumë kampionate”.
Sa i përket Topit të Artë, Casillas u shpreh  “se atë duhet ta fitojë futbollisti që e meriton. Më konsiderojnë edhe mua favorit, por unë nuk jam i fiksuar pas këtij cmimi. Është e qartë që portierët nuk vlerësohen me këto cmime, megjithatë unë mendoj se edhe ne kemi të drejtë për ta fituar Topin e Artë. Përderisa këtë cmim e ka marrë Lev Jashin, pse të mos i jepet edhe një portieri tjetër..?

Argjentinasi Lionel Messi ka deklaruar se trajneri Pep Guardiola ka qenë çelësi i suksesit të Barcelonës. Mesi foli në revistën sportive hungareze “Kepes Sport”.
Argjentinasi ka falenderuar brazilianin Neymar për konsideratën që ka ndaj tij dhe për lëvdatat e bëra pak ditë më parë. Messi tha se e ka kënaqësi të dëgjosh fjalë të bukura për veten sidomos kur vijnë nga një tjetër lojtar i talentuar.
Messi bëri vlerësime për ish trajnerin e katalanasve, Pep Guardiola, duke thënë se ishte ai çelsi i sukesit që skuadra spanjolle fitoi 14 trofe gjatë 4 viteve me Pep në krye. Në përfundim Messi deklaroi se nuk kishte parë asnjë ndeshje të Spanjës gjatë Euro 2012 por ishte në dijeni të rezultateve.