Lajmi Fundit - lajmet e fundit nga Shqiperia, Kosova, Rajoni dhe Bota

BRUKSEL—Lajmifundit-- Në vizitën e tij në kryeqendrën diplomatike të evropës kryeministri Sali Berisha zhvilloi një takim me homologun belg Yves Leterme. Ky i fundit mësohet se ka vlerësuar arritjet e Shqipërisë për procesin e anëtarësimit në Bashkimin Europian duke theksuar se Belgjika mbështet kandidaturën e Shqipërisë për kryesimin e OSBE-së në 2014-ën. Të dy kryeministrat gjithashtu vlerësun marrëdhëniet e shkëlqyera mes dy vendeve.
Kryeministri Berisha dhe Kryeministri Leterme do të nënshkruajnë marrëveshjen “ndërmjet Mbretërisë së Belgjikës dhe Republikës së Shqipërisë mbi transferimin e personave të dënuar” dhe do të japin një konferencë të përbashkët për media.

Gjatë vizitës në Bruksel, Kryeministri Berisha do të pritet në takim nga Presidenti i Dhomës së Përfaqësuesve z. André Flahaut dhe zv/presidenti i Senatit z. Armand De Decker. Në përfundim të takimit Kryeministri Berisha do të firmosë në librin e artë të Parlamentit.
Kryeministri Berisha do të pritet në një takim të veçantë edhe nga kryetari i Bashkisë së Brukselit z. Freddy Thielemans.