Deputeti i Listës Serbe 30 ditë në paraburgim

Kliko per me shume info

deputeti-lista-serbeNjë gjyqtar i Procedurës Paraprake në Gjykatën Themelore në Mitrovicë mori vendim për caktimin e masës së paraburgimit prej 30 ditëve për goranin A. H nga Dragashi (1968), shtetas i Kosovës.

Prokurori i rastit në Prokurorinë Themelore në Mitrovicë, Nijazi Rexha, konfirmoi për KALLXO.com se i pandehuri është Adem Hodza, deputet i Kuvendit të Kosovës.
Hodza në zgjedhjet parlamentare të 8 qershorit kishte kandiduar në emër të subjektit politik “Koalicija za Gora” (Koalicioni për Gorën) ndërsa pas konstituimit të Kuvendit i është bashkuar grupit parlamentar të “Listës Serbe”.

Kliko per me shume info

“Sipas kërkesës së Prokurorisë të Shtetit për caktimin e paraburgimit, thuhet se i pandehuri A, H, me datë 18.01.2015, rreth orës 15.20 në Mitrovicën e veriut, pasi i kishte telefonuar të dëmtuarës E.H, dhe kishte kuptuar se ajo gjendej e vetme në banesën ku jetonte, kishte shkuar aty dhe pasi e dëmtuara e kishte hapur derën, i pandehuri fillimisht e kishte rrethuar me duar të dëmtuarën, pastaj e kishte kapur për flokësh duke i thënë se dëshiron të jetë e tij, dhe përmes forcës kishte tentuar të kryente aktin seksual”, thuhet në komunikatën për media të Gjykatës Themelore të Mitrovicës.

Gjykata thotë se me këtë rast, pas disa reagimeve rezistuese e dëmtuara kishte filluar të bërtasë dhe të kërkonte ndihmë.
“Pas këtij reagimi i pandehuri kishte lëshuar banesën e të dëmtuarës. Sipas deklaratave të palës së dëmtuar, merret vesh se i pandehuri ka qenë mik i familjes së të dëmtuarës”, thuhet në komunikatë.

loading...

LEAVE A REPLY

Please enter your comment!
Please enter your name here