Akuzat e Doshit, Rama: Të vërtetën mund ta thotë vetëm një hetim i plotë

Politikë

edirama-fbKryeministri Edi Rama deklaroi të martën, pas akuzave të djeshme të deputetit Tom Doshi se, të vërtetën mund ta thotë vetëm një hetim i plotë i organeve të drejtësisë.

“Mediat duan sa më shumë akuza për të jetuar. PD sa më shumë shpifje për të mbijetuar. Ndërsa njerëzit e ndershëm të këtij vendi, të mbajtur kaq vjet peng në gjithë llumin e akuzave dhe shpifjeve të kthyera rëndom në telenovela, duan vetëm të vërtetën”, shkruan Kryeministri Rama në “Facebook”.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Ai shpreh bindjen se, telenovela e shëmtuar që ka nisur dje, duke bërë bashkë për të sulmuar qeverinë dhe shumicën parlamentare, një tufë politikejsh e kriminelësh që duan të përfitojnë prej dritëshkurtësisë së njëri-tjetrit, do të ketë padyshim një fund të palumtur për ta.

“Le të presim me durim hetimin e plotë të akuzës bombastike, e cila është padyshim e shpifur sa s’ka, por edhe shumë e mirëseardhur! Sepse ka çelur një fazë të re të betejës për çlirimin e opinionit publik nga makthi i vjetër se politikanët janë të gjithë njësoj”, shkruan Rama në “Facebook”.

Njësoj në fakt, sipas tij, janë vetëm ata që nuk dinë ku është kufiri mes politikës dhe krimit. ‪”#‎VajmedetPD‬ ku je katandisur se të tjerët aq dinë aq bëjnë! Çfarë tufe…!”, përfundon Rama

ME TE LEXUARAT