Lajmi Fundit
Lajmi i Fundit, Lajme Shqip, Gazeta, Informacione nga Shqiperia

Nis protesta, PD marshim drejt Kryeministrisë: Meta dorëhiqu!

proteste Partia Demokratike  thirri paraditen e së enjtes një manifestim proteste nën moton “JO” krimit në qeverisje dhe mafies në pushtet”, duke kërkuar dorëheqjen e kryetarit të Kuvendit, Ilir Meta, i akuzuar nga Tom Doshi se ka porositur vrasjen e tij dhe të deputetit demokrat Mëhill Fufi.

Protestues nga Tirana, por dhe rrethe të tjera të vendit, të udhëhequr nga kryetari i PDsë, Lulzim Basha dhe deputetë të opozitës, u mblodhën në sheshin “Skënderbej”, ndërsa më pas përshkuan bulevardin “Dëshmorët e Kombit”, për t’ u ndalur para selisë së Kryeministrisë, nga ku do marrin fjalën drejtues të opozitës dhe protestues.
Ndërkohë, nga ana e Policisë së Shtetit janë marrë të gjitha masat për të siguruar zhvillimin normal dhe me qetësi të protestës.

Në orën 11.00 ka nisur tubimi i protestuesve nga sheshi “Skënderbej” në drejtim të Kuvendit dhe Kryeministrisë, aty ku lideri demokrat Basha do të mbajë fjalimin.

Lideri demokrat Lulzim Basha ka lënë selinë e Partisë Demokratike për t’iu bashkuar marshimit të protestuesve.
Në krye të protestës kanë qenë deputetët e PD, ish kryeministri Sali Berisha, deputeti Edi Paloka, etj,proteste pro
Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Leave A Reply

Your email address will not be published.