Korcë, sekuestrohen 23 kilogramë drogë, policia arreston dy persona
Dy persona janë arrestuar nga policia e Korcës me një sasi lënde narkotike ditën e sotme.
Burimet zyrtare kanë thënë se më datë 16.03.2015, në Pikën e Kalimit Kufitar Kapshticë, u bë kapja dhe arrestimi në flagrancë i shtetasve :
1. Artan Pupe, vjeç 46 , banues në lagjen 4 Korçë,
2. Roland Pane, vjeç 51 , banues në lagjen 12 Korçë.
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
Arrestimi i tyre mësohet se është bërë pasi gjatë kontrollit në autobuzin “MAN”, me targa KO 9579 B, të linjës Tiranë - Athinë, drejtuar prej tyre, në një çantë të fshehur në bagazhin e mjetit, u gjetën e sekuestruan në cilësinë e provës :
• 23 kg. (22 pako) bimë e dyshuar si narkotike canabis sattiva,
• 4 aparatë celularë dhe
• 180 euro.
Materialet i kaluan Prokurorisë Rrethit Gjyqësor Korçë, nenet 283/a dhe 25 të Kodit Penal.