Lajmi Fundit
Lajmi i Fundit, Lajme Shqip, Gazeta, Informacione nga Shqiperia

Vetëm në një ditë policia rrugore vendos 10.000… gjoba!

policia-rumuneKëtë fundjavë, policia rrugore rumune vendosi mbi 10 mijë gjoba, me vlerë rreth 650 mijë euro, si edhe hoqi mbi 500 leje drejtimi, njoftuan burime zyrtare, të cituara nga ATSH. ”Më 9 korrik, në bashkëpunim me Drejtorinë e Trafikut në Policinë Rumune, policia rrugore ka operuar për parandalimin dhe luftën kundër arsyeve kryesore që shkaktojnë aksidentet rrugore dhe pasojat e tyre… si edhe ka kontrolluar respektimin e normave në rrugë nga përdorimi i rripit të sigurimit, respektimi i rregullave për parakalim, deri te respektimi i dhënies së përparësisë”, thuhet në një komunikatë të Inspektoriatit të Përgjithshëm të Policisë Rumune (IGPR).

Në këtë aksion morën pjesë 3.526 policë, nga të cilët 1.202 policë trafiku, 2.125 policë të ruajtjes së rendit publik dhe 199 policë përgjegjës për transportin publik. ”Vetëm në një ditë u vunë  10.279 gjoba, me vlerë rreth 650.000 euro”, shton komunikata.

”Nga 9.231 gjoba për shkelje të rregullave të qarkullimit, 111 ishin për konsum alkooli, 3.835 për tejkalim shpejtësie, 112 për parakalim të gabuar dhe 64 për mosdhënie përparësi ndaj këbmësorëve”, thekson ajo.

Policia hoqi edhe 556 leje drejtimi.

Leave A Reply

Your email address will not be published.