U lëndua gjatë arrestimit të Gjuriç, ministri serb dërgohet në spital

Kosovë&Rajon

Ministri në largim i Bujqësisë, Nenad Rikalo është shtrirë në spital pas intervenimit të Policisë së Kosovës për ta arrestuar drejtorin e të ashtuquajturës Zyre për Kosovën në Qeverinë e Serbisë, Marko Gjuriq.

Mediat beogradase kanë publikuar një fotografi ku ai shihet i shtrirë në një spital.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“Lëndime ndaj tij janë abdominale dhe i njëjti është në kujdes intensiv”, ka deklaruar mjeku, njëherësh drejtori i Qendrës Klinike Spitalore në Veri të Mitrovicës, Milan Ivanovic.

Përpos tij, në këtë spital janë shtrirë edhe 31 persona të tjerë.

“Po, janë 31 të plagosur – 17 prej tyre për shkak të lëndimeve të gazit të përdorur nga policia. Ndërsa disa prej tyre në kirurgji dhe në departamentin ortopedik”, ka thënë ai.

Ndryshe, para dy ditësh, Marko Gjuriq kishte përdorur rrugët ilegale për t`u futur në vend. Ai është arrestuar teksa po mbante një takim me serbët në veri të Mitrovicës.

ME TE LEXUARAT