Thaçi deklarata të forta ndaj Berishës: Gërmadhë e skenës politike

Aktualitet

Presidenti i Kosovës Hashim Thaçi ka reagur në lidhje me deklaratat e ish-kryeministrit Sali Berisha kundrejt tij, të cilin e ka quajtur tradhëtar dhe argat të Beogradit.

Thaçi ka hedhur një deklaratë të fortë gjatë një interviste në “Opinion” pasi e ka quajtur ish-kryeministrin Sali Berisha si “gërmadhë politike”, duke e akuzuar për qëndrime armiqësore ndaj UÇK-së gjatë kohës së luftës.

 “Unë çuditëm si zoti Berisha nuk ka pasur guximin qytetar dhe as politik ta kundërshtojë opinionin e këtij projekti nga presidenti Rugova, akademiku Qosja dhe Daci. Zoti Berisha ka bërë mëkate të mëdha ndaj luftës së Kosovës, paralele me luftën e Milloshevicit ne terren, ka qenë dhe propaganda e zotit Berisha për UÇK-në maksiste-leniniste etj.

Kam shkuar në zyrën e tij pas lufte dhe kemi pasur komunikim. Kur kam qenë kryeministër, kemi pasur respekt reciprok. Tani nuk kuptoj dhe shprehem i keqardhur për gjendjen e tij emocionale, si gërmadhë e skenës politike shqiptare”, ka thënë Thaçi.

ME TE LEXUARAT