Nisin tensionet para protestës së opozitës, policia shoqëron 20 persona

Aktualitet

Vetëm pak orë para protestës së gjashtë kombëtare të opozitës së bashkuar kanë nisur tensionet e para mes protestuesve dhe policisë.

Në Elbasan janë shoqëruar personat e parë, dhe kjo pa asnjë motiv.

Sipas kreut të Partisë Demokratike në Elbasan, Eugen Isaj deri më tani janë shoqëruar rreth 20 persona, pa asnjë motivacion duke i mbajtur 2 ose 3 orë në komisariat, duke i penfuar kësht ardhjen në Tiranë për të protestuar.

Kjo është protesta e gjashtë kombëtare e organizuar nga opozita e bashkuar, e cila kërkon dorëheqjen e kryeministrit Edi Rama, zgjedhje të parakohshme parlamentare, dhe shtyrjen e zgjdhjeve lokale të 30 Qershorit.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Opozita ka marrë leje për protestën e sotme deri në mesnatë, ndërsa ende nuk dihet nëse ka një plan për të qëndruar edhe më tej në Bulevardin Dëshmorët e Kombit, apo do të zgjidhet të mrarshohet në disa institucione të rënësishme si parlamenti apo policia.

Ditët e fundit janë shtuar zërat për shtyrjen e zgjedhjeve dhe nga ndërkombëtarët, si dhe presidenti Ilir Meta, i cili tha dje se është gati që të shtyjë datën 30 Qershor në rast se palët dakordësohen. Mirëpo deri tani mazhoranca e drejtuar nga Edi Rama nuk ka bërë asnjë hap pas, përveç disa letrave publike të kryeministrit i cili kërkon dialog pa kushte./Faxweb.al

ME TE LEXUARAT