Lajmi Fundit
Lajmi i Fundit, Lajme Shqip, Gazeta, Informacione nga Shqiperia

Rama nxjerr foto nga Bulevardi dhe ka një mesazh për vlonjatët

0

Kryeministri Edi Rama ka publikuar disa fotografi nga Bulevardi “Ismail Qemali” në Vlorë, duke u shprehur se pas dekadash degradimi e zymtie të pistë po rritet fuqia tërheqëse e qytetit turistik.

Duke iu prezantuar ndjekësve të tij në “Facebook” punën e bërë në këtë bulevard, kreu i qeverisë thekson për të arritur deri këtu është duruar padurimi epik i vlonjatëve dhe sharjet e përqeshjet e atyre, që sipas Ramës, për çdo punë kanë një llaf të keq për të thënë.

“Pak nga pak po del në dritë edhe Bulevardi “Ismail Qemali” në Vlorë, ku pas dekadash degradimi e zymtie të pistë, po rritet fuqia tërheqëse e qytetit turistik, vlera e apartamenteve e njësive tregtare, mundësitë e punësimit e të vetëpunësimit përmes shërbimeve, interesi për investime të mëdha private në turizëm”

Gur gur bëhet mur e mur mur bëhet kalaja, duke përballuar padurimin epik të vlonjatëve dhe sharjet e përqeshjet e atyre që për çdo punë kanë një llaf të keq për të thënë? Së shpejti Sheshi i Ri i Flamurit dhe të tjera akoma… #VloraqëDuam☀️ #ShqipëriaqëDuam”, shkruan Rama.

Leave A Reply

Your email address will not be published.