Atentati me kallashnikov/ Thellohet tragjedia në Prishtinë, ndërron jetë i plagosuri i dytë

Kosovë&Rajon

Zyrtarë të QKUK-së kanë konfirmuar se ka ndërruar jetë edhe personi i dytë si pasojë e plagëve të marra gjatë të shtënave me armë zjarri sot në lagjen “Mati 1” në Prishtinë.

“Ka vdekur edhe personi i dytë, i cili përkundër përpjekjeve të mjekëve, për shkak të gjendjes së rëndë nuk ka arritur të mbijetojë”, tha zëdhënësi i QKUK-së, Shpend Fazliu.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Si pasojë e të shtënave me armë zjarri sot pasdite në rrugën “Muharrem Fejza” janë plagosur fillimisht katër persona, dy prej të cilëve tashmë kanë ndërruar jetë në QKUK.

Ndërkohë edhe dy persona tjerë të plagosur vazhdojnë të trajtohen në QKUK, transmeton KosovaPress.

Policia nuk ka bërë të ditur zyrtarisht motivet e rastit, por sipas dëshmitarëve në konfliktin e armatosur janë përfshirë familjet Mehmeti dhe Rafuna, për shkak të kontestit pronësor.

Dëshmitarët e kanë filmuar momentin kur një person me pistoletë qëllon në drejtim të katër personave dhe ata përfundojnë në tokë të shtrirë.

Të dhënat e para flasin se mes dy familjeve ka një konflikt pronësie për objektin ku banojnë.

ME TE LEXUARAT