Ngjela: Ky do të jetë shpëtimi i shqiptarëve nga politikanët injorantë

Kliko per me shume info

Avokati i njohur Spartak Ngjela ka treguar arsyet që sipas tij kanë krijuar këtë situatë politike në vend.

Me anë të një postimi në rrjetin e tij social “Facebook”, Ngjela shprehet se injorantët e ardhur në pushtet, janë vënë me qëllimin për të marrë diçka, dhe jo për të bërë atë që kërkon zhvillimi shoqëror.

Kliko per me shume info

“Populli është i detyruar të dëgjojë sharje individësh dhe jo qeverisje të përgjegjshme për aktet e saj”, thekson në hyrje të analizës avokati, teksa shton se “kjo është edhe historia e Shqipërisë në këta tridhjetë vitet e fundit”.

Ndër të tjera, Ngjela thotë se në politikën shqiptare ka vetëm luftë njerëzish dhe jo debat idesh për zhvillim kombëtar.

“Loja me sharje dhe fyerje e me denoncime të kota, ka vetëm një qëllim: pushtet dhe para. Por paraja tani do të hyjë nën hetim nga reforma antikorrupsion.

E pra, prandaj, pikërisht ky do të jetë shpëtimi i shqiptarëve nga kjo lojë e ligë tridhjetëvjeçare. Sepse, ajo që shprehëm më lart, s’është veçse një pushtim sui generis i shoqërisë shqiptare nga një bandë keqbërësish. Por, shqiptarët vetë, me forcat e veta, nuk mund të dilnin dot nga ky pushtim makabër tridhjetëvjeçar”, shprehet Spartak Ngjela.

Statusi i plotë:

Vetëm kur një vend ka sjellë në pushtet injorantë, populli është i detyruar të dëgjojë sharje individësh dhe jo qeverisje të përgjegjshme për aktet e saj.

Kjo është edhe historia e Shqipërisë në këta tridhjetë vitet e fundit.

Por, nuk është vetëm kjo, sepse, këta injorantë kanë ardhur në pushtet për të marrë diçka dhe jo për të bërë atë që kërkon zhvillimi shoqëror.

Ku është sot debati për zhvillimin kombëtar? Askund.

A nuk e provon kjo atë që sapo e thamë më lart?

Vërtet mendoni se të çmendurit dhe injorantët mund të vijnë në pushtet për të bërë diçka për vendin?!

Kurrë mos e prisni këtë.

Kjo është arsyeja që në Shqipëri, në politikë, ka vetëm luftë njerëzish dhe jo debat idesh për zhvillim kombëtar. Mos janë të sëmurë?

Jo, këta politikanë të lartë, në të dyja palët, janë në lojë mashtruese për të çorientuar opinionin publik në lidhje me të vërtetën: paaftësinë absolute të administratorëve dhe politikanëve të rangjeve të larta.

Injoranca në drejtimin e vendit, fshehet mbas një luftë verbale individuale të poleve të politikës, mes fyerjesh dhe shpifjesh që kurrë nuk janë gjykuar.

Pse nuk janë gjykuar asnjëherë “krimet” e denoncuara politikisht që mbushin për çdo ditë gazetat dhe lajmet televizive?

Nuk e keni parë, që, pasi opozitarët “luftarakë” vijnë në pushtet, s’e kanë denoncuar asnjëherë kundërshtarin e rrëzuar nga qeverisja?

Pse?

Sepse kanë ndërruar vetëm portat, dhe loja ka filluar nga e para. Kurse, pikërisht këtu e gjen vendin e vet të sigurt korrupsioni.

Loja me sharje dhe fyerje e me denoncime të kota, ka vetëm një qëllim: pushtet dhe para. Por paraja tani do të hyjë nën hetim nga reforma antikorrupsion.

E pra, prandaj, pikërisht ky do të jetë shpëtimi i shqiptarëve nga kjo lojë e ligë tridhjetëvjeçare. Sepse, ajo që shprehëm më lart, s’është veçse një pushtim sui generis i shoqërisë shqiptare nga një bandë keqbërësish.

Por, shqiptarët vetë, me forcat e veta, nuk mund të dilnin dot nga ky pushtim makabër tridhjetëvjeçar.

Ja pra, kjo ishte arsyeja pse, pasi e konstatuan rrjedhën e mësipërme, këtë ndërmarrje historike kaq të domosdoshme për shqiptarët, e morën përsipër aleatët e mëdhenj perëndimorë të Shqipërisë. Dhe, sigurisht që do ta kryejnë plotësisht. Ajo sapo ka filluar.

loading...

LEAVE A REPLY

Please enter your comment!
Please enter your name here