Lajmi Fundit
Lajmi i Fundit, Lajme Shqip, Gazeta, Informacione nga Shqiperia

E shkeli Meta, Kushtetutën?! Komisioni i Venecias jep datën e vendimit

Komisioni i Venecias përfundoi paraditen e sotme, takimin edhe me deputetët e Komisionit Hetimor për shkarkimin e Presidentit Ilir Meta. ”

Morëm informacionin e duhur në të gjithë takimet që zhvilluam dhe do ta japim opinion tonë më 11 tetor.” – deklaroi para pak minutash duke dalë nga mbledhja, Kaarlo Tuori, kryetari i delegacionit të Komisionit të Venecias, ardhur në Shqipëri në kuadrin e misionit faktmbledhës për Dekretin e Presidentit Ilir Meta, që anulonte zgjedhjet e 30 Qershorit.

Kaarlo Tuori tha se kanë mbetur të kënaqur nga të gjitha takimet që kanë zhvilluar. Kujtojmë se ata janë takuar me kreun e shtetit, Ilir Metën; Kryetarin e Kuvendit, Gramoz Ruçin; përfaqësuesit e opozitës së re në Kuvend, përfaqësuesit e PD-së dhe LSI –së jashtë Kuvendit për të krijuar mendimin e tyre në e ka shkelur apo jo Presidenti Ilir Meta Kushtetutën me shfuqizimin e zgjedhjeve vendore të qershorit.

Leave A Reply

Your email address will not be published.