Blushi ironizon me Tao Taon: Kandidaturat e presidentit 'të papërshtatshme'

Aktualitet

Pas refuzimit që Kuvendi i ka bërë kandidaturave të propozuara nga presidenti Ilir Meta për postin e kryetarit të Kontrollit të Lartë të Shtetit, vjen reagimi i zëdhënësit të presidencës, Tedi Blushi.

Përmes një postimi në Facebook, Blushi ironizon me kryetarin e grupit parlamentar të PS, Taulant Balla.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Sipas tij, fakti që kandidatët e propozuar nga presidenti nuk janë të dënuar për trafik droge, prostitucion apo vjedhje banesash, i japin të drejtë Ballës.

“Tao Tao ka të drejtë që kandidaturat e propozuara nga Presidenti Meta për Kryetar të Kontrollit të Lartë të Shtetit janë të papërshtatshme, pasi asnjë prej tyre nuk ka qenë i dënuar më parë jashtë vendit për trafik droge, trafik prostitucioni apo vjedhje banesash.

Po kështu asnjë prej tyre nuk e ka marrë diplomën e shkollës së lartë, pa bërë fare të mesmen.

Presidenti Meta është i paaftë të propozojë kandidatë me rekorde kaq pozitive që do garantonin hapjen e negociatave në 18 tetor 2019 me ovacione nga të gjitha vendet anëtare”, shkruan Blushi në reagimin e tij.

Gjatë seancës së sotme, Parlamenti votoi kundër kandidaturës së Petraq Milos për kryetar të KLSH-së.

ME TE LEXUARAT