Politika

Takimet e Ramës në Berlin, PD i përgjigjet me pyetjen për emrin e një kryebashkiaku

Partia Demokratike ka reaguar përmes Sekretarit për Çështjet Ligjore, Gazment Bardhi, lidhur me takimet e Edi Ramës në Berlin duke i konsideruar si propagandistike me argumentin se Shqipëria nuk do të pranohet në BE pa dekriminalizimin e politikës.

Për këtë, Gazment Bardhi argumenton duke përmendur edhe emrat e disa kryebashkiakëve të përfuluar për lidhjen me krimin dhe mashtrimin në formularët e dekriminalizimit.

Reagimi i plotë:

Asnjë takim në Berlin, Ëashington, Paris apo Bruksel nuk e fshin dot të vërtetën skandaloze se me Edi Ramën, njeriun që futi krimin në zgjedhje dhe qeveris me të, nuk ka për të pasur nisje të bisedimeve për anëtarësim.

Propaganda nuk mund ta mbulojë heshtjen e Edi Ramës për kriminelin e tij të Vaut të Dejës, Mark Babani. Njësoj si për Valdrin Pjetrin e Shkodrës, për Agim Kajmakun e Vorës, Edi Rama po fshihet edhe për Mark Babanin.

Kandidati i Edi Ramës ka mashtruar publikisht me formularin e dekriminalizimit dhe ai duhet të dalë para drejtësisë për këtë.

Është fakt se Mark Babani është arrestuar, dënuar e dëbuar nga autoritetet italiane dhe ai nuk e ka deklaruar këtë. Provat për këtë janë të pakundërshtueshme dhe prokuroria mjafton të ketë vullnetin t’i marrë në dorëzim ato.

Edi Rama dhe kandidati i tij për Vaun e Dejës duhet të sqarojnë publikun se çfarë i kujton data 4 Prill 1994.

As mashtrimet publike të Mark Babanit dhe as heshtja e Edi Ramës nuk e ndryshon dot të vërtetën.

Me kriminelët në parlament, me kriminelët në pushtetin lokal, me kriminelët në qeverisje nuk ka të ardhme për shqiptarët, nuk ka integrim, nuk ka Shqipëri si gjithë Europa.

loading...

Artikuj te ngjashem

Leave a Reply

Your email address will not be published. Required fields are marked *

Back to top button
Close
Close