Nis shembja e objekteve të paligjshme në Ohër

Aktualitet

Mëngjesin e të premtes, në praninë e policisë, kompania e ndërtimit që ka fituar tenderin për shembjen e objekteve të paligjshme në Ohër, ka filluar shembjen e objektit të parë prej gjithsej 409 ndërtimeve pa leje të regjistruara në zonën e mbrojtur të Ohrit.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“Në fillim, do të rrënohen objektet për të cilët nuk ekzistojnë pengesa juridike dhe aksioni i rrënimit do t`i përfshijë të gjithë personat fizik ose juridik që kanë marrë vendim për mënjanimin e objektit të jashtëligjshëm dhe të njëjtët kanë vepruar konform vendimeve nga ana e inspektorëve të ndërtimit pranë Inspekoratit të Ohrit”

Gjatë një samiti të UNESCO-s, qeverisë së Maqedonisë së Veriut iu dha afat që deri në vitin e ardhshëm që të zbatoj të gjitha rekomandimeve që iu është dhënë në vitin 2017, duke llogaritur këtu edhe zgjidhjen e çështjes së ndërtimeve të egra.

Ministri i Diasporës, Edmond Ademi, kohë më parë, në një prononcim për Klan Maqedoni vlerësoi se në samitin e radhës të UNESCO-s Liqeni i Ohrit nuk do të hyjë në listën e zezë të trashëgimisë kulturore dhe natyrore.

Kryetari Komunës së Ohrit Konstantin Georgievski kohë më parë kishte njoftuar se i gjithë procesi i ballafaqimit me ndërtimet e egra, mund të zgjasë dy vite, për shkak se për një pjesë të këtyre objekteve janë dorëzuar kërkesa për legalizim.

Është për të shënuar se ky vendim i autoriteteve nuk është shoqëruar me retorikën e ashpër partiake, pozitë-opozitë, që le të kuptohet se të gjithë janë dakord se nuk janë angazhuar sa duhet që Ohri të mbetet qytet, me gjithë thesarin e vet shumëshekullor nën mbrojtjen e UNESCO-s.

ME TE LEXUARAT