Aktualitet

Bulqize, kercenohen me vrasje inspektoret e pyjeve

Një tjetër përplasje mes inspektorëve të Inspektoratit Shtetëror të Mjedisit, Pyjeve, Ujërave dhe Turizmit ka ndodhur mbrëmjen e të dielës në masivin pyjor të Kaptinës së Martaneshit në Bulqizë.

Grupi i inspektorëve, që kishte ngritur një pikë kontrolli në rrugën Bulqizë-Tiranë, kanë ndaluar një kamion me lëndë drusore dhe do bënin sekuestrimin e tij.

Persona të paidentifikuar, me dy mjet fuoristradë dhe të armatosur, janë afruar duke i kërcënuar inspektorët. Kërcënimi me armë zjarri është bërë teksa inspektorët kishin ndaluar kamionin që po transportonte lëndë drusore.

Inspektorët kanë lajmëruar policinë e Bulqizës, e cila mësohet se ka nisur hetimet për identifikimin dhe arrestimin e personave që kërcënuan inspektorët.

 

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Leave a Reply

Your email address will not be published. Required fields are marked *

Back to top button
Close