Aktualitet

Negociatat/ Eurodeputetja shqiptare Arba Kokalari: “Po” për Shqipërinë por me pas presion qeverive per reforma

Eurodeputetja shqiptare Arba Kokalari kërkon hapjen e negociatave për Shqipërinë dhe Maqedoninë e Veriut por më pas presion nga BE për qeveritë me qëllim implementimin e reformave.

 

 

Në një postim në “Facebook”, Kokalari shkruan se zgjerimi i BE-së ka qenë një nga projektet më të suksesshme dhe se miliona njerëz kanë dalë nga varfëria. Ajo përshkruan situatën me Francën e cila ka nxjerrë pengesa për çeljen e negociatave dhe thotë se Suedia, vendi ku është zgjedhur deputete e Parlamentit Europian duhet të shtyjë ministrat e BE të thonë “po” hapjes së negociatave me Shqipërinë dhe Maqedoninë e veriut.

 

 

MESAZHI I PLOTË I ARBA KOKALARIT DEPUTETE E PARLAMENTIT EUROPIAN

 

 

 

Zgjerimi i Bashkimit Europian ka qenë një nga projektet më të suksesshme. Ish-vendet komuniste të Evropës janë kthyer në vende me ekonomi të lirë, demokratike dhe natyrisht pjesë e Evropës. Miliona njerëz kanë dalë nga varfëria.

 

 

Këtë javë ministrat e Bashkimit Europian do të takohen të vendosin në qoftë se BE do të hapë negociatat me Shqipërinë dhe Maqedoninë e Veriut. Mes të tjerash Franca ka nxjerrë pengesa, Suedia duhet të shtyje ministrat e BE të thonë ‘PO’ hapjes se negociatave me të dyja këto vende. Pastaj e domosdoshme është të ushtrohet presion nga qeveritë e këtyre vendeve të implementojnë reformat demokratike.

 

 

Asnjë vend nuk duhet të bëhet anëtar i BE pa implementuar demokracinë, luftën kundër korrupsionit dhe fuqizimin e ligjit (kriteret e Kopenhangenit). BE duhet të rrisë kërkesat për demokracinë dhe duhet të ketë limite të përcaktuar qartë për gjithë vendet e BE. Megjithatë BE duhet të ndihmojë vendet e Ballkanit që të ndihmojnë veten e tyre

 

Me demokraci të stabilizuara ne Ballkan ne do të kemi një Europë me të sigurt.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Leave a Reply

Your email address will not be published. Required fields are marked *

Back to top button
Close