DSIK surprizon kandidatin e dekretuar nga Meta në KUshtetuese: Ka probleme me vettingun

Aktualitet
DSIK surprizon kandidatin e dekretuar nga Meta në KUshtetuese: Ka probleme

Kreu i shtetit Ilir Meta ditën e sotme ka dekretuar emërimin e Besnik Muçit si gjyqtar të Gjykatës Kushtetuese, por ndërkohë ky i fundit ndodhet para KPA-së për tu pyetur e për ta kaluar si një test të dytë pas vetting-ut.

Komisioni i Posaçëm i Apelimit një seancë më parë ka kërkuar informacion në DSIK në lidhje me deklasifikimin e një materiali sekret shtetëror. Në përgjigje nga DSIK, ka pranuar deklasifikimin.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Për këtë çështje Besnik Muçi është shprehur: “Paraqitja për informacion të ardhur pas fazës së parë, është sensitiv dhe i prekshëm. Për opinionin publik dhe padyshim edhe për mua. Gjatë seancave të kaluara, opinionit publik i kemi dhënë një gjysmë të vërtetë, pa i treguar përmbajtjen e informacionit të deklasifikuar tashmë nga DSIK. Por dua të sqaroj opinioni publik kush janë personat dhe me çfarë akuzohen. I pari është administratori i kompanisë, i dënuar për moskallëzim krimi, personi që mua më ka shitur apartamentin.

Unë nuk kam fakte për situatën. Personi tjetër i lidhur, është shtetas që unë i kam blerë një mjet. Ai është proceduar dy herë nga Prokuroria. Është dërguar në gjyq për drejtim në gjendje të dehur të mjetit dhe kundërshtim të punonjësit të policisë.

E kisha të vështirë ta gjeja veten në këto fakte të KP dhe shkakun që unë lidhem me ata persona, pasi lidhja ime me ta është vetëm kontraktuale dhe asgjë më tepër.

Opinioni publik është helmuar me këtë informacion gjysëm të vërtetë përgjatë kësaj kohe, deri në momentin kur u deklasifikua dokumenti. Këmbëngulja e KP për ta përdorur si provë nuk ka asnjë vlerë për procesin në fjalë. Në kushtet kur nuk ka shkak ligjor për t’u pranuar gjatë procesit, vlerësoj që nuk jemi në rrethane për marrjen e kësaj prove”.

Ndërkohë seanca është shtyrë për të rifilluar pas 60 minutash.

ME TE LEXUARAT