Telefonata me Ramen, rrefehet Arben Keshi: Ju tregoj te verteten e pergjimeve ne Diber

Aktualitet

“Një nga simpatizantët është goditur, ndër ta ka qenë edhe Noka, për këtë ka një kallëzim në rrethin e Prokurorisë Dibër. Kryeministri është vënë në dijeni e më ka telefonuar si ndodhi situata dhe e kam sqaruar”, tregon Arben Keshi, ish-koordinator i PS Maqellarë.

Telefonata mes kryeministrit Rama dhe Arben Keshit, nuk flet për shit-blerje votash, as për pazare dhe as për manipulim të zgjedhjeve. Duhet theksuar se është një përgjim që më tepër ka patur interes për shkak të përfshirjes së Kryeministrit.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“Në këtë periudhë kam qenë punonjës i Qendrës së Viktimave të trafikimit këtu në Tiranë, e cila varet nga Drejtoria e Shërbimit Social shtetëror. Që nga viti 2011 deri në 2017, unë kam qenë jasht radhe të policisë. Edhe në këtë rast me kërkesën time. Pasi në 2011 kam kandiduar për kryetar komune në njësinë administrative Maqellarë. Aty ku kam lindur dhe jam rritur. Në 2013 në po të njëjtën njësi, kam qenë në listën e kandidatëve për deputet. Njifem aq sa mund të njifet një kandidat”, tregon Arben Keshi, ish kordinator i PS Maqellarë.

Keshi, ishte një ndër personat më të lakuar në përgjimet e bëra publike nga Bild. Kjo, edhe për faktin se ai ishte pika kryesore e kontaktit në terren me koordinatorin politik, Damian Gjiknuri.

“Shtabi elektoral i Maqellarës s’ka pasur asnjë problematikë, janë njerëz që jetojnë aty, banojnë, skemi asnjë të ardhur jo nga rrethet por as nga njësitë e tjera të bashksië Dibër”, tregon Arben Keshi, ish-koordinator i PS Maqellarë.

“Panë që nuk po realizionin dot 100% skenarin e tyre dhe kërkonin përforcime”, thotë Flamur Noka, ish-deputet i PD.

“Në gjuhën e përditshme se tashi ka edhe intepretime të gjuhës shqipe, njeri problematic është një njeri që është içik më gjaknxehtë, ose është içik më i fortë se tjetri, përballon, ka natyra shumë të qeta, edhe ne brenda familjeve kemi njerëz içik problematik, më gjaknxenhtë, më i gatshëm të përballet me situatë fizike, ka njerëz më të urtë, por që asnjë ska qenë aty me qëllime kriminale”, tregon Damian Gjiknuri, ish-koordinator i PS-së në Dibër.

Ne e kemi ballafaquar zotin Keshi me disa biseda të tjera, me persona të paidentifikuar, ku dëgjohet se flitet për shuma parash dhe vota. Ai nuk hezitoi t’i përgjigjet akuzave publike të bërë nga Partia Demokratike.

“Kam arritur në konkluzionin që gjithçka është montuar për të krijuar një fabul, nisur nga komunikimi im me kryeministrin”, tregon Arben Keshi, ish kordinator i PS Maqellarë.

“Janë marë nga një bisedë tjetër është montuar për t’i dhënë sa më ngjyra kësaj fabule”, tregon Arben Keshi, ish koordinator i PS Maqellarë.

Keshi, është përgjuar edhe në biseda me drejtorin rajonal të arsimit në atë kohë Drini Gjeçi. Aty, kuptohet se mësuesëve u bëhet presion për deklarimin hapur të votës, por vetë Arben Keshi, jep sqarime mbi ato biseda./top channel

ME TE LEXUARAT