Zhgenjimi nga negociatat, Presidenti i PE do vizitoje Shqiperine dhe Maqedonine e Veriut

Aktualitet

Presidenti i Parlamentit Evropian, David Sassoli do të vizitojë Maqedoninë e Veriut e Shqipërinë, vizitë e cila pason vendimin e BE për të mos çelur negociatat me BE. Sassoli do të qëndrojë në Maqedoninë e Veriut në fillim të javës që vjen, ndërsa vizitën e tij të parë në Shqipëria që pas marrjes së detyrës do ta kryejë më 2-3 dhjetor.

Para nisjes së vizitës, Sassoli ka një mesazh të qartë për dy vendet, publikuar në faqen zyrtare të Parlamentit Europian, ndërsa i kërkon atyre të qëndrojnë në rrugën europiane.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“Vizita në Maqedoninë e Veriut, dhe shumë shpejt në Shqipëri, ka një rëndësi të madhe për mua personalisht në këtë moment. Ne e dimë që popullsia në të dy vendet është zhgënjyer shumë nga dështimi i Këshillitpër të rënë dakord për hapjen e bisedimeve të pranimit për shkak të vetos së disa shteteve anëtare. Ne e kuptojmë dhe e ndajmë këtë zhgënjim. Shqipëria dhe Maqedonia e Veriut kanë zbatuar reformat që ne kërkuam prej tyre dhe tani meritojnë të shpërblehen për përpjekjet e tyre të jashtëzakonshme. Për më tepër, dua t’u bëj thirrje qytetarëve dhe veçanërisht brezit të ri:

Mos shuani shpresën, ju lutemi qëndroni në rrugën evropiane. Parlamenti Evropian qëndron me ju. Me një shumicë të madhe votash, Parlamenti Evropian ka ritheksuar mbështetjen e tij të plotë për hapjen e negociatave të anëtarësimit me Maqedoninë e Veriut dhe Shqipërinë një javë më parë. Ne nuk do të heshtim por i nxisim shtetet e BE të marrin një vendim unanimisht në favor të bisedimeve të pranimit në takimin e ardhshëm.

Ndërkohë, ne i inkurajojmë të dy vendet të vazhdojnë në rrugët e tyre të reformës. Jemi të bindur që, përkundër shtyrjes, kjo kohë nuk do shkojë kot. Reformat e kryera në rrugën e anëtarësimit të plotë në BE janë në interesin më të mirë të vendeve dhe qytetarëve të tyre, dhe do të përfitojnë para së gjithash dhe brezin e ri që meriton një të ardhme më të mirë”,-deklaron Sassoli.

ME TE LEXUARAT