Ukraina i kerkon Iranit kutite e zeza te aeroplanit te rrezuar

Bota
Ukraina i kerkon Iranit kutite e zeza te aeroplanit te rrezuar

Ukraina i ka bërë thirrje Iranit që t’ia kthejë kutitë e zeza të aeroplanit ukrainas me pasagjerë, i cili është rrëzuar më herët gjatë këtij muaji nga një sulm iranian duke lënë të vdekur 176 persona.

Ministri i Jashtëm ukrainas, Vadym Prystayko i ka bërë këtë kërkesë ministrit iranian për Rrugë dhe Zhvillime Urbane, teksa ky i fundit ka qenë në vizitë në Kiev për të diskutuar tragjedinë.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“Detyra kryesore e Mohammad Eslamit është të kërkojë falje dhe të pranojë atë që ka ndodhur”, u ka thënë Prystayko gazetarëve.

“Ne shpresojmë se mund të shkojmë pak më larg sesa diskutimet politike dhe t’i diskutojmë problemet praktike. Në mesin e tyre është edhe çështja e kthimit të kutive të zeza”, ka thënë ai.

Aeroplani ukrainas është rrëzuar pak pasi ishte nisur nga Teherani më 8 janar. Shumica e viktimave kanë qenë iranianë dhe shtetas kanadezë.

Tri ditë më vonë, Teherani ka thënë se aeroplani është rrëzuar “gabimisht” nga një raketë, në kohën e rritjes së tensioneve me Shtetet e Bashkuara.

Javën e kaluar, Afganistani, Britania, Kanadaja, Ukraina dhe Suedia, shtete, banorët e të cilave kanë humbur jetën në aksident, kanë kërkuar hetim “të plotë, të pavarur dhe transparent”, lidhur me këtë rast.

ME TE LEXUARAT