Meta e kallezoi ne SPAK, Gjonaj: Reagimi im do jete institucional

Politikë
Meta e kallezoi ne SPAK, Gjonaj: Reagimi im do jete institucional

Ministrja e Drejtësisë Etilda Gjonaj ka reaguar, menjëherë pasi presidenti Ilir Meta ka kallëzuar penalisht atë dhe disa zyrtarë të lartë të Ministrisë së Drejtësisë.

Gjonaj shprehet se është e gatshme që të përgjigjet para cdo institucioni për akuzat, kurse shton se i “bëhet qejfi që Meta bën kallëzime në SPAK”, pasi tregon se kreu i shtetit po njeh institucionet e reja të drejtësisë.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Postimet e Etilda Gjonajt:

Sikur të mos i mjaftonte politika e dëshpëruar e dhunës verbale, sot Kreu i Shtetit ka gjetur kohën të paraqitet personalisht me të gjithë stafin e tij në zyrën e sekretarisë të SPAK, për të dorëzuar një kallëzim penal ndaj meje dhe stafit tim.

Në respekt të Kushtetutës dhe pozicionit tim zyrtar me Presidentin, reagimi im do jetë institucional kundrejt akteve të tij. E siguroj se jam gati t’i përgjigjem jo vetëm SPAK-ut ligjërisht po dhe atij vetë publikisht, institucionalisht dhe ligjërisht, me kulturë dhe etikë.

Pavarësisht absurditetit të kësaj historie, mbetet me rëndësi që Presidenti ka bërë hapin e duhur, njohjen e institucioneve e reja të Reformës në Drejtësi të cilën ai u lodh aq shumë duke e luftuar dhe përbaltur atë dhe cilindo që punon me të, shqiptarë dhe ndërkombëtarë.

Shpresoj që të pranojë punën e tyre edhe ditën kur drejtësia e re dhe SPAK të filloj të godasë në shenjat e njohura botërisht si njolla të Shqipërisë, politikanë dhe zyrtarë të lartë të njohur për korrupsionin dhe krimet e tyre në këtë vend. Koha që drejtësia të veprojë!

ME TE LEXUARAT