Lajmi Fundit
Lajmi i Fundit, Lajme Shqip, Gazeta, Informacione nga Shqiperia

Godinat qe shkaktuan viktima, “zhduken” lejet e ndertimit ne Bashkine e Durresit

Prokurorët e grupit që po hetojnë cilësinë e ndërtimeve të dëmtuara nga tërmeti i 26 nëntorit ne Durres, po hasin vështirësite e para. Burime nga Prokuroria e Durrësit bene me dije se në bashki mungojnë dokumentet për lejet e ndërtimit, të dhëna vitet e fundit.

Mesohets e prokurorëve nuk u janë vënë në dispozicion akt-konstatimet e objekteve që janë dëmtuar më 26 nëntor.
Pas tërmetit të 26 nëntorit ku humbën jetën 51 persona dhe u dëmtuan 5514 shtëpi, Prokuroria e Durrësit ka nisur hetimet, për të vënë para drejtësisë të gjithë fajtoret. Gjate ketyre diteve hetuesit kane marrë mostra në të gjitha objektet ku janë konstatuar dëme deri më tani dhe janë dërguar në laboratorë për të analizuar cilësinë e betonit dhe elasticitetin e tij.

Të njëjtat burime theksojnë per Abc News se në bashki, nuk janë gjetur lejet e ndërtimit që janë dhënë vitet e fundit.

Prokurorët që po kryejnë hetimin, u kanë kërkuar inxhinierëve që po bëjnë akt-konstatimet në terren, që të mbajnë shënime të detajuara në lidhje me të gjitha objektet, ku kanë kryer verifikime, në të kundërt, ata janë paralajmëruar se do të mbajnë përgjegjësi penale, citon abcnews.

Grupi hetimor në Durrës ka hasur vështirësi edhe për faktin që shumë firma ndërtimi që kanë ndërtuar disa objekte, tanimë nuk ekzistojnë më. Sipas të njëjtit burim, një pjese e objekteve ku ka pasur viktima janë të legalizuara, por mungon dokumentacioni tekniko-ligjor për cilësinë e punimeve.

Në ndihmë të grupit hetimor të Durrësit kanë mbërritur edhe oficerë të policisë gjyqësore nga Tirana. Deri të enjten, sipas specialistëve, është vendosur që të shemben 70 objekte që kanë pësuar dëmtime në strukturë

Leave A Reply

Your email address will not be published.