Lacio e Strakoshës hedh në “tapet” Juven, Interi ”fërkon” duart

Sport

Ekipi i Lazios i ka shkaktuar humbjen e parë të sezonit Juventusit te cilin e ka mposhtur 3-1 në Olimpico mbrëmjen e së shtunës.

Skuadra kryeqytetase ka zhvilluar një tjetër ndeshje të madhe në kampionat duke dalë fitimtar në ndeshjen më të rëndësishme të sezonit.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Ronaldo kaloi miqtë në avantazh me golin e tij në minutën e 25’, por Luiz Felipe ka barazuar rezultatin pak përpara se të përfundonte pjesa e parë me një gol të bukur me kokë.

Ndeshja u nxeh pas pushimit dhe Cuadrado doli me karton të kuq në të 69’ pas një ndërhyrje të gabuar teksa ishte lojtari i fundit.

Kjo i dha vetëbesim vendasve që gjetën golin e avantazhit me Milinkovic-Savic dhe humbën një penallti me Immobilen që mund të kishte vulosur fitoren.

Goli i tretë erdhi në minutën e 5-të shtesë me Caicedo. Interi mbetet në krye, ndërsa Lazio i është bashkuar valles për titull dhe është vetëm tre pikë më pak se Juve.

ME TE LEXUARAT