Lajmi Fundit
Lajmi Fundit, Lajme Shqip, Gazeta, Informacione nga Shqiperia

“Kurre mos e kapni qenin nga qafa”, vajza kafshohet ne fytyre dhe perfundon me 40 qepje

Dashuria për kafshët mund të ketë një limit, të paktën këtë dëshmon edhe historia e fundit e një 17-vjeçareje.

Lara Sanson, nga Argjentina, postoi ne Twitter, fotot teksa ishte kafshuar ne fytyrë nga qeni i saj dhe shkroi: Fotografimi më shkoi keq.

Lara ishte duke pozuar me qenin e saj, rracë Shepherd gjerman, kur teksa e kishte kapur qenin nga qafa për ta përqafuar, ky i fundit ia nguli dhëmbët në fytyrë duke e lënë me shenja për të cilat iu deshën 40 qepje.

Momenti i tmerrshëm, kur qeni kafshon adoleshenten është kapur nga aparati dhe ajo ka ndarë incidentin e saj në Twitter, ku komentet kanë qenë të shumta.

Lara iu nënshtrua një operacioni dy orësh, ku u qep në fytyrë dhe brenda gojës për shkak të dëmtimeve të mishrave. E megjithatë, e reja tha për “La Nacion” se nuk kishte ndjerë shumë dhimbje në momentin e kafshimit.

Por, Lara shprehet gjithashtu se qeni i saj nuk ishte fajtor dhe nuk ka ndërmend ta dëbojë nga shtëpia, pasi ishte faji i saj që e kishte trembur me shtrëngimin rreth qafës.

Që nga shpërndarja e imazheve në Twitter, postimi i Laras ka gjeneruar më shumë se 337 mijë reagime, ku ajo që bie në sy është këshilla e njëjtë nga pronarë të kafshëve shtëpiake, “Mos e përqafoni kurrë një qen nga qafa, pasi instinkti i tyre është që po sulmohen.”

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Leave A Reply

Your email address will not be published.