Luks ne kohe krize, PD: Qeveria shpenzoi 400 milione leke per zyra

Politikë
Luks ne kohe krize, PD: Qeveria shpenzoi 400 milione leke per zyra

Ish-deputeti i PD, Enkelejd Alibeaj ka akuzuar qeverinë se po bën shpenzime të kota në këto ditë krize. Në një dalje për mediat, ai tha se kryeministri Edi Rama ka planifikuar të shpenzojë 400 milionë euro për rregullimin e zyrave.

“Në vend që të shpenzojë çdo qindarkë për të forcuar sistemin shëndetësor, për të garantuar testimin e mjekëve dhe të qytetarëve, Edi Rama ka hapur tender për rregullim të zyrave. Në kulmin e krizës, kur pandemia po bëhet më agresive, qeveria e ka mendjen të shpenzojë mbi 400 milionë lekë për zyra.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Në kulmin e krizës ekonomike, ku mijëra qytetarë janë sot në pamundësi për të siguruar ushqimin e femijëve, Edi Rama planifikon të japë 400 milion lekë për zyra. Në kulmin e krizës, ku mijëra biznese janë gati të shpallin falimentin e të lënë mijëra qytetarë pa punë, Edi Rama kërkon të japë 400 milion lekë vetëm për zyra.

Tenderi 411 milionë lekë për të rikonstruktuar zyrat e administratës së Spitalit të Traumës është unik sot në Europë. Spitalet tani nuk kanë nevojë për kulltuqe të rehatshëm. Mjekët duan së pari të mbrohen vetë dhe të kenë mundësi të gjurmojnë virusin, që sëmundja të mos kapet në momentet e fundit dhe numri i atyre që humbin jetën të mos rritet.”

Alibeaj kërkoi nga qeveria që të ndërpresë tenderin menjëherë dhe që paratë të përdoren për qytetarët.

ME TE LEXUARAT