Spektakël i vërtetë/ 'DailyMail': Tubimi i dytë më i madh në Britani, me Lamborghini e Mercedesa 120 mijë £, shqiptarët...

Aktualitet

Spektakël i vërtetë/ 'DailyMail': Tubimi i dytë

Festa e Pavarësisë ka bërë bashkë shqiptarët në vende të ndryshme të botës.

DailyMail ka sjellë në artikull për shqiptarët që jetojnë në Londër dhe organizimet e tyre me parada në rrugët e Britanisë, me flamurin kuq e zi për të festuar.

Qindra shqiptarë shkruan dailymail kanë dalë në rrugët e Londrës me makina të shtrenjta për të festuar ditën  e pavarësisë së Shqipërisë.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Audi, Range Rovers, Porsche e Lamborghini shihen në videot e shpërndara në rrjete sociale.

Burra dhe gra shihen duke valëvitur flamurin shqiptar, duke përfshirë një Lamborghini Huracan ngjyrë vjollce dhe një Mercedes të klasës G, të cilat kushtojnë përkatësisht rreth 120,000 dhe 160,000 £.

Ndërkohë në rrugën e Londrës nuk kanë munguar as efektivët e policisë, duke u përpjekur të përmirësojnë qarkullimin e automjeteve.

“Kombi i vogël europian u bë i pavarur në 1912, vetëm 110 vjet më parë”, shkruan DailyMail.

Por nuk kanë munguar edhe komente kritike, pasi festimet kanë revoltuar shoferët , të cilët i kanë quajtur festime ‘egoiste’.

Festimet mbrëmë shënuan tubimin e dytë të madh të shqiptarëve në kryeqytet këtë muaj pas protestave kundër Sekretares së Brendshme, dy javë më parë.

Një grup protestuesish ndezën tërbim kur mbuluan flamurin e tyre mbi statujën e Winston Churchill në Sheshin e Parlamentit më 12 nëntor, ndërsa protestuan kundër deklaratave të bëra nga Suella Braverman.

Më shumë se 1500 protestues u mblodhën në Urën Westminster dhe marshuan drejt Pallatit të Westminsterit duke i kërkuar qeverisë që t’i respektojë ata si njerëz dhe të drejtat e tyre njerëzore, duke deklaruar: “Jo të gjithë shqiptarët janë kriminelë”.

Sekretarja e Brendshme u kritikua nga partitë opozitare dhe disa nga ana e saj për gjuhën e ashpër që përdori në Commons në fillim të këtij muaji.

ME TE LEXUARAT