Vetëplagoset me armë gjahu, përfundon në spital 57- vjeçari në Shkodër

Një 57-vjeçar është vetëplagosur në Postribë, Shkodër.

Sipas policisë i lënduari ka qëlluar veten me armën e gjahut ndërsa tani ndodhet nën kujdesin e mjekëve.

"Rreth orës 17:45, në fshatin Ura e Shtrejt, Postribë, dyshohet se aksidentalisht është vetëplagosur me një armë gjahu, që e mbante me leje, shtetasi F. V., 57 vjeç.

Ky shtetas ndodhet në Spitalin Rajonal Shkodër, nën kujdesin e mjekëve.

Grupi hetimor ndodhet në vendngjarje dhe po punon për sqarimin e plotë dhe për dokumenimin ligjorë të rastit", njofton policia.