Lajmi Fundit
Lajmi i Fundit, Lajme Shqip, Gazeta, Informacione nga Shqiperia

Deklarata e Dimitri Payet për ndërhyrjen horror ndaj Ronaldos

payetMesfushori Dimitri Payet këmbëngul se ndërhyrja e tij fatale ndaj Cristiano Ronaldos në finalen e së dielës në “Euro 2016” nuk ishte me qëllim.

Portugalia mposhti 1-0 Francën në shtëpi në kohën shtesë falë një goli fantastik në minutën e 109-të nga sulmuesi zëvendësues Eder, por sulmuesi i saj kryesor u dëmtua pasi pësoi një faull nga francezi i West Hamit.

“Nuk ishte me qëllim nga unë, ishte vetëm një duel, kaq”, – u tha Payet gazetarëve pas ndeshjes, shkruan “Goal.com”. “Unë rimora topin në zotërim dhe nëse e dëmtova nuk ishte qëllimi im. Nuk është në natyrën time të jem djalë i keq në fushë. Nuk ka dyshime për këtë”, – shtoi ai.

Më pas, i pyetur për humbjen ndaj luzitanëve, Payet argumentoi shkurt pse Franca nuk e gjeti dot rrugën e rrjetës. “Ne nuk shënuam për shumë arsye. Ia arritëm të bënim dy gola ndaj Gjermanisë gjatë kohës që ata mbanin topin.

Kësaj here është e njëjta gjë, por kjo vlen për skuadrën tjetër. Ky është futbolli, kështu funksionon. Gjithsesi, falenderoj të gjithë tifozët, të cilët mua personalisht gjatë gjithë turneut më kanë ndihmuar shumë.”

Leave A Reply

Your email address will not be published.